JANWAR KI UMAR & PEHCHAN 2175

Kaun se Janwar ki Kitni Umra Qurbani ke liye jaruri hai ?

aur Umar Mukammal hone ki kya pahchan hai ?

aur daant Gir Gaye Ho ya daant Hi Na Aaye Ho uski qurbani durust hai ?

JAWAB

حامدا و مصلیا مسلما

Qurbani ka janwar Bakra Bakri gheta Ghenti hai To Ek Sal,
gaay Bhains, pada ho to do Sal
aur unt hai to 5 Sal Mukammal hona zaroori hai.

Albbtta Dunba aur gheta 6 mahine Ka Ho jisko 1 saal ke gheton ke Darmiyaan Chhod Diya Jaaye to Dekhen Mein Uski hight Aur motapay ki vajah se 1 Saal Ka Maloom Hota Ho to uski Qurbani bhi durust hai.

Janwar Qurbani ke layik hai ya nahin uski pahchan Daant Se Hoti Hai, Agar Bakre Mein Upar ke do dant Hai Ek Saal Ka yaqeeni Hai, Kyun ke aam to per sava Saal me daant Aate Hain, aur bade janwar me niche darmiyan ke do daant dusre Daanton ke muqabale mein bilkul numaya hote Hai, is tor par ke woh upar se Thode tedhe ya chodhe hote hai, aam Tor par Sawa do saal Mein Aate Hain, lekin Agar kisi janwar ke Pakke daant Na aaye Ho lekin yaqeeni tor par uski Umar Qurbani ke layak hone ka ilm ho to uski Qurbani bhi durust hai.

FATAWA RAHEEMIYAH

AALAMGIRI 5/114

و الله اعلم بالصواب

Mufti Imran Ismail Memon Hanafi

Ustaze Darul Uloom Rampur Surat, Gujarat, India.

Ilami baat (msj) sikhaana (felana) ibadat se behtar hai

QURBANI ME VALIMAH, AQIQAH YA ALLAH KA HISSA RAKHNA 2176

1⃣. Qurbani me valimah ya aqiqah ka hissah rakh sakte hain ?

2⃣. Ba’az log qurbani me Allah ka hissa rakhne ko kehte hai to ye kaisa hai ?

Jawab

حامد و مصلیا و مسلما

1⃣. Ji haan, Valimah sunnat hai, sawab hai, us ka hissah rakh sakte hain, isee tarah aqiqah ka hissah bhi rakh sakte hain.

Mustafad kitabul masail 2,233)

2⃣. Ba’az log badey janwar me Allah ka hissa rakhne ke mutalliq puchhte hai to ye baat yaad rahe ke tamaam hisse aur tamaam qurbaniyan Allah ta’ala ke liye hi hoti hai, urf (bol-chaal ke riwaj me) ‘mera hissa’ ‘fulaan ke naam ka janwar’ bol diya jata hai, haqiqat me niyyat ye honi chahiye ke fulaan ki taraf se hissa ya qurbani Allah ta’ala ke liye me zabah karta hun.

Mufti Imran Ismail Memon Hanafi Chishti.
Ustaze Darul Uloom Rampura, Surat, Gujarat, India.

Berune mulk (foreign) ki qurbani india me 1455

A.

Hamare yahaan u.k. Me 10 zil hijjah ya’ani eid ka din ho aur hamen apni qurbani india me usee din karni ho, halan ke us din india me 9 zilhijjah ho to hamari qurbani india me us din ho sakti hai ya nahin ?

B.

Agar makkah me 13 zil hijjah ho ya’ani qurbani ka waqt nikal gaya ho aur india me 12 zil hijjah ho ya’ani qurbani ka waqt baaki ho to is surat me agar koi haji apni qurbani india me karaye to sahih hogi ya nahin ?

Jawab

A.

Jabtak ke india me
Qurbani ke din shuru’a na ho yahan dusre mulk walon ki qurbani sahih nahin hai. Kyun ke qurbani sahih hone ke liye malik aur janwar dono ka fil jumlah aetibar hai ya’ani muakkil ya’ani qurbani karvane wale par qurbani ka wujoob aana chahiye aur janwar jahan hai wahan qurbani ka waqt hona chahiye. Puchhi hui surat me uk wala jo qurbani karva raha hai us ke zimme to qurbani ka wujoob aa gaya hai lekin india me jahan janwar hai wahan qurbani ka waqt nahin aaya hai lihaza uk wale ki qurbani india me 9 zihijjah ko ek din pehle nahin ho sakti hai qurbani sahih hone ke liye india me bhi 10 zihijjah hona zaruri hai.

B.

Mazkoorah surat me qurbani sahih hai us ki pehli wajah

Makkah me 13 zil hijjah hone ki surat me sababe wujoob ya’ani jiske zimme qurbani ho uska qurbani ke dinon me qurbani par qadir hona yeh us haji ke haq me pehle hi se paya gaya aur dusri shart wujoobe adaa ya’ani qurbani ke waqt ka maujud hona. Janwar india me maujud hai yeh shart bhi yahan pai gayi lihaza bila shak woh haji apni qurbani ka vakil kisi ko india me bana de to 12 zil hijjah ko bhi us ki qurbani sahih hai.

Dusri wajah agar woh qurbani ka vakil banane wala khud 13 zilhijjah ko makkah se safar kar ke india aata aur yahan12 zilhijjah ko qurbani karta to durust tha to wahan rehkar vakil banaye to batarike awla hoga.

Kitabun nawazil 14/553 se 558 ka khulasah

Mufti imran ismail memon ustaze darul uloom rampura surat gujrat india

JANWARON KO ZABAH KARNA ZULM NA HONE KI DALEELEN 2170

Kya janwaron ki qurbani karna yeh un par zulm hai ?

Gairon (Non Muslims) ka kehna hai ke islam ka yeh tareeqah raham ke khilaf hai yeh sahih hai ?

JAWAB

1. Allah janwaron ka Maalik hai, Maalik ko Apni milkiyyat (property) me tasarruf (jo chahe woh) karne ka ikhtiyar hota hai, kisi dusre ke fate huve kapde ko faadna bhi zulm hai lekin malik apne behtareen kapde ko apne kaam ke liye faad de use koi zulm nahin kehta. musalmano ko Janwaron ke paida karnewale aur maalik Allah ne qurbani karne ka hukm Qur’an me Surah e Kawsar me “وانحر ” Qurbani karo keh kar diya hai is liye Qurbani karte hain.
2. Qurbani har mazhab me balidaan, bhog, balee, bhet chadhana wagerah naam se maujud hai.
3. Murghi, Machhli, Zinge wagerah jaandar ko dusre mazhab wale bhi maarte aur khate hai, to fir aetraz musalmano par hi kyun ?Maachhiyon se kyun darte ho?
4. Sabziyan (vegetables), phalon(fruits), phoolon(flowers), me bhi jaan hai, unko bhi hawa, paani aur roshni ki zarurat hai, science kehta hai woh bhi jaandar hai, jeev dayaa karne jaoge to ise khana bhi chhodna padega. chhote jeev me bardashat ki taqat chhoti hoti hai, bade jeev me bardashat ki taqat badi hoti hai, isliye taklif pahonchne me chhota jeev aur bada jeev yaksa(similar) hai farj karna galat hai
5. Islam mazhab duniya ke har kone ke liye hai, jahaan sirf baraf hi baraf aur registaan (desert) hi registaan ho jahaan sabjiyan nahin hoti, wahaan ke logon ko janwar zabah karne se manaa kiya jaye to log kya khayenge?
6. Gosht (non-veg) khana fitaree(naturally) chiz hai, is liye Allah ne insaan ko faad khane wale janwar ki tarah uppar ke 2 naukile daant (teeth)aur chabane ke liye gol darhen dee hain. sabzi khanewale janwar ko na naukile dant diye, na gol darhen dee, balke sab daant sidhe aur chapti darhen dee. lihaza yeh naukile(poited) tinne daant aur gol darhen sabzi khane nahindee hai, balke gosht khane dee hai.
7. janwar ko zabah na karte to bhi woh ek na ek din bimari me mubtala ho kar tadap tadap ke zarur marta woh hamesha nahin jita hai. zabah karne se use aasaan maut milti hai. isiliye apni samajh me aasan maut hi ke liye ba’az insan khudkushi-aatmhatya karte hain. taake bimari ki taklif uthani na pade.
8. Jo janwar baanjh hai bachche nahin jante, doodh (milk) nahin dete aur budhe-kamzor ho gaye hain unko ghas charah khilane me ghas charah kam hota hai, paise bhi zayea hote hain. aur behtar janwaron ke chare ka haq kam ho jata hai. Ya to baahar charne ke liye chhodne me plastic ki theliyan khakar marti hain
   Aql yeh kehti hai ke aise janwaron ko zabah kar dena chahiye taake ghas charah achchhe janwaron ko mile aur us se un janwaron ki sihhat wa tandurasti me izafah ho aur doodh me badhotari(ziyadati) ho. aisa karna un achchhe janwar par raham hai.
9. Zulm ka matlab sirf taklif pahonchana ho to har qaum ko khatmal, machchhar, chooha wagaira taklif pahonchane wale janwar ko sirf bhagane ki ya pakad ke kahin chhod aane ki dawa ya machine isteamal karni chahiye, iske bajaye jaan se maar dalte hai, is ki ma’amuli taklif jis se insan ki jaan ka khatra nahin apni raahat ke liye maar dalte hain pataa yeh chala ke insan sab se behtar makhluq(jeev) hai apne fayde ke liye adna-(ma’amuli) makhluq(jeev) ko maar sakta hai.
10. janwar ka doodh har Qaum peeti hai baawajood iske ke woh us janwar ke bachche ka haq hai, jab yeh zulm nahin to gosht khana kaise zulm hoga!
11. Janwar ko apni mehnat ki kamai se lakar us ki khidmat kar ke fitri raham ki wajah se dil na chahte huve use zabah karte hain isme musalman apne jazbat ”maal se muhabbat, janwar se muhabbat, fitaree raham yeh sab rooh aur aatma ki khwahish ki Allah ke hukm ke samne Qurbani deta hai andar ke jazbaat (feelings) ki Qurbani janwar ko zabah kar ke zahir karta hai.”
12. Janwar ko kaata na jaata to ek din khud mar ke mitti me mil kar barbad ho jaata ham khakar use apne jism aur dil me jaga dete hain uska hissah banaa lete hain, yeh unke saath achchha sulook hai. Aur bhi bahot si daleelen hain ek dozen par bas karta hun isse saabit huva janwar ko zabah karna un par na zulm hai na raham ke khilaf hai.

ISLAMI TAREEKH : 01 ZilHijjah 1441 HIJRI

Mufti Imran Ismail Memon Hanafi Chishti.
Ustaze Darul Uloom Rampura, Surat, Gujarat, India.

ZUL HIJJAH (BAKRA EID KA MAHINA) ME BAAL NAKHOON KATNA 2166

Zul hijjah ke chand hone ke baad baal aur nakhoon kaatna kaisa hai?

Iski kya maslihat va hikmat hai ?

Jawab

حامد و مصلیا و مسلما

Zul hijjah ke chand hone ke baad jiske zimme qurbaani ho use baal aur naakhoon eid ki namaaz aur uski qurbaani hone tak na kaatna mustahab hai. taake qurbaani ka janwar uske har har juz (hissah) ka badal aur fidyah ho jaaye, aur Allah ta’ala ki rahmat se us aadmi ke jism ka koi hissah mahroom na rahe,

Jin logon ke zimme qurbaani nahin hai woh bhi qurbaani karne walon ki aur Haj me gaye huve hajiyon ki mushabahat (copy) ikhtiyaar karenge to woh bhi un par naazil hone wali rahmat se Insha’Allah mahroom na rahenge,

Lekin koi apne baal aur nakhoon katega, to na gunehgaar hoga, na qurbaani me koi kharaabi aayegi, is par wajib ki tarah amal karna aur aisa na karne walon ko tokna sahih nahin hai,

Jo cheez jis darajah me saabit ho usko usee darajah me rakhna chahiye.

Note: jiske zere naaf <duti ke niche ke baal> aur bagal ke balon par 40 roz guzar gaye ho to woh shakhs is mustahab par hargiz amal na kare agar woh katne me 40 din se ziyadah takheer karega to gunehgar hoga.

Mirqaatul mafaateeh 3/306

Masaaile qurbaani, islaahee khutbaat se makhooz

26 zee qadah 1441 hizri.
18/07/2020 sanichar

Mufti Imran Ismail Memon Hanafi Chishti

Ustad e Darul Uloom Rampura, Surat, Gujarat, India

WAJAN PAR JANWAR KO KHAREEDNA 2167

Vajan Karke Janwar ko kharidna kaisa hai ?
ismein Dhokha Nahin Hota Hai Kyunki vajan se qimat ka itminaan ho jata hai.

JAWAB

حامدا و مصلیا مسلما

Janwar tol Ke tole jaane wali chizon Mein dakhil Nahin Hai, is liye hidayah aur fathul qadeer Alamgiri Vagairah mein is muaamle ko Na-Jaiz likha hai.

Na Jaiz Hone ki vajah yah Hai Ki mamle se pahle a na janwar ka vajan Maloom hota hai na uski qimat Maloom hoti hai, To yah Muaamla majhool- na Maloom Ho Gaya, Lekin Jab Janwar ko Tol liya Jaaye us Waqt uska ka vajan aur aur qimat maloom hokar jahalat khatm Ho Jaati Hai.

Rahi Baat Vajan se janwar ka Mukammal Gosht Maloom Nahin Hota Hai, janwar Sukadkar kar yaa Sans fula kar ghata Badha deta hai to yah thodi si jahalat Maaf hai, urf Yaanai Bazar ka Aisa riwaj jis mein kharidar aur Bechne wala donon Razi hai, lihaja yah Mamla aakhirkar saheeh ho jayega.

Darul Darul Uloom Deoband ke jaise Na Jaiza hone ka Fatwa hai vaise hi Upar Di gai tafseel ke sath jawaz ka bhi Fatwa mawjud hai, us par bhi amal ki gunjaish hai Lekin Qurbani Ek Ibadat Hai jis ko saheeh tareeqe se ada karna hi taqwa hai, jo us ka maqsood hai, lihaza jab tak ho sake is ikhtilaafi tariqe se Bachana chahiye aur aehtiyat ka pehlu ikhtiyar karna chahiye.

JAIZ KE KEHNEWALE
1. AHSANUL FATAWA
2. KITABUN NAWAZIL
3. DEWBAND KE DUSRA FATWA

NAA JAIZ KEHNEWALE
1. FATAWA RAHEEEMIYAH 10/48
2. DEWBAND KA PEHLA FATWA
3. HIDAYAH FATHUL QADEER

و الله اعلم بالصواب

Mufti Imran Ismail Memon Hanafi

Ustaze Darul Uloom Rampura wa Secretry jamiate ulama Surat, Gujarat, India.

QURBANI KI FAZEELAT 2165

Qurbani karne ki kya fazeelat hai?

JAWAB

حامدا و مصلیا و مسلما

Hazrat Aishah رضی اللہ عنھا se riwayat hai ke Huzur صلہ اللہ علیہ وسلم ne irshad farmaya ke:-

*Zil hijjah ki 10 tarikh ya’ani eidul azha ke din insan ka koi amal Allah ta’ala ko qurbani se ziyadah mahbub nahin hai aur qurbani ka janwar qiyamat ke din apne singo aur baalo our khurro ke saath zindah ho kar aayega aur qurbani ka khun zamin per girne se pehle Allah ta’ala ki razaa aur maqbuliyat ke maqaam per pahonch jaata hai, pas ae khuda ke bando dil ki poori khushi se qurbaniyan kiya karo.

Dusri riwayat me hai ke qurbani ke janwar ke har baal ke badle me ek neki milegi sahaabah radiyAllahu anhum ne arz kiya ya rasoolallah uun ki bhi yahi fazilat hai? (uun barik hone ki wajah se bahut hota hai)
Huzoor ﷺ ne farmaya:-
Haan har unn ke baal ke badale me bhi ek neki hai.
Mafhume hadis

Janwar ke badan par hazaaron aur laakhon baal hote hain. Deen daari ki baat yeh hai ke itne bade sawab ki laalach me jis par qurbani wajib nahin hai usko bhi kar deni chahiye yeh din chale jayenge to itna badaa sawab kaise hasil hoga?

Tirmizi sharif wa ibne maajah bahawala

Masaaile qurbani 32 bifarqi yasir

و الله اعلم بالصواب

Mufti Imran Ismail Memon

Ustaad e daarul uloom Rampura surat, Gujarat, India

KHASSI AUR GHABHAN JANWAR KI QURBANI 2163

KHASSI AUR GHABHAN JANWAR KI QURBANI

AAJ KA SAWAL NO.2163

1. Khassi janwar ki qurbani jaaiz he ?
2. Gaabhan (hamal wale) janwar ki qurbani jaaiz he ?

JAWAB

1. Khassi janwar ki qurbani jaaiz, balke afzal our masnun hai, kyun ke us ka gosht ziyada achchaa hota hai.
2. Agar wiladat ka waqt qareeb he to makruh he, warna makruh nahi.

(Kitabul masail 2/239)

Mo ibrahim alyani
Tasdeeq: Mufti Imran Ismail Memon Hanafi Chishti.
Ustaze Darul Uloom Rampura, Surat, Gujarat, India.

Janwar ka zabah kitni rag katne per hoga ?

Zabah ka tareeqah aur haraam ajzaa

Qurbani ke janwar ko zabah ka tariqa aur gosht ki taqseem aur kasaai ki ujrat aur janwar ki haram chizon ke barey me batane ni guzarish.

Sawal

Janwar ka zabah kitni rag katne per hoga ?

Jawab

Janwar ke gale me 4 rag hoti he.

1) hulqoom,  jis se saans liya jata he.

2) mari, jis se khana andar jata he.

3 aur 4)

Do khun ki ragen.

4 me se 3 rag kat jaye to janwar halal ho jata he our sharee zabah ho jata he.

(agar 3 na kati sirf 1, ya 2 kati to janwar halal nahi hoga)

Gardan me kis jagah chhuri chalayi jaye ?

Sawal

Gardan me kis jagah chhuri chalayi jaye ?

Jawab

Janwar ki gardan ke kisi bhi hisse me churi chala sakte hen, us me bich, kinare ki koi qed nahi he.

Kitabul masail 2,245,246

Qurbani ki khal qasai ko de sakte hen ?

Sawal

Qurbani ki khal qasai ko de sakte hen ?

Jawab

Qurbani ke janwar ki khal khud istemal kar sakte hen, kisi ko de bhi sakte hen, agar khud ne wo khal bech di to is ki qimat garibo me sadqa karna zaruri he, qasai ki ujrat me khal nahi de sakte, us ki ujrat alag se de, hadye ke tour per de sakte hen.

Mustafad az kitabul masail,  2,53

Qurbani ka gosht gair muslimo ko de sakte hen ?

Sawal

Qurbani ka gosht gair muslimo ko de sakte hen ?

Jawab

Qurbani ka gosht gair muslim ko bhi dena jaaiz he.

Kitabul masail bahawala aalamgiri, aelaus sunan, 2,249

Albatta muslim ko dena ziyada behtar he un ka haq pehle hai

Fatawa rahimiya qadim 6,165

Qurbani ka gosht bech sakte hen ?

Sawal

Qurbani ka gosht bech sakte hen ?

Jawab

Qurbani ka gosht bechna jaaiz nahi khaale, taqseem karde,agar gosht itna zyada ho ke zaaye hone kharab hone ka khatra ho to gosht bech kar us ki qimat garibo ko de sakte hen.

Mustafad kitabul masail 2/250)

Qur’bani ke zabah  kiye huwe halal janwar me kitni aur  kon kon si cheezon  ka khaana haram hai ?

Sawal

Qur’bani ke zabah  kiye huwe halal janwar me kitni aur  kon kon si cheezon  ka khaana haram hai ?

Jawab

Qur’bani ke zabah  kiye huwe halal janwar  me 7 cheezen  khana makruhe tahreemee yani haram ke qareeb hai.aur 1 cheez bilkul haraam hai.

(1) nar janwar  ki  peshab  ki jagah,

(2) maadah janwar  ki peshab ki jagah,

(3) peshab ki theli,

(4) pitta (kadwe pani ki theli)

(5) dono  kapuriye:khusyatain:sufed gurde jo gair khassi janwar me hote hai

(6) gudood yani jame  huwe khun ki guthli- gaanthe jo baz janwar ke gosht me hoti hai.warna gudah jo nalli me se nikalta hai woh to halal hai

(7) haram magz jo pusht-put aur gardan ki haddi ke darmiyan sufed dori jaisa hota hai

(8) behnewala khun qatee haraam yani quran se hi haraam hai jo khun kate huwe gosht aur qeeme-kheeme me hota hah woh pak hai kyun ke woh bebnewala nahi hai.

Fatawa mahmooduyyah dabhel 17/297 se 302

Bahawala shami

Kitsbul khunsa ,masaile shattah 6/749 saeed)

Qurbani ki khaal ka hukm

Qurbani ki khaal ka hukm

sawal

1

Qurbani ki khal apne kaam me laa sakte hen ?

Khud rakh sakte hen ?

2

Qurbani ke janwar ki khal masjid, madrase me de sakte hen ?

3

Imam sahb our muazzin sahb ko khal de sakte hen ?

Jawab

1

G haa, qurbani ki khal apne istemal me la sakte hen, agar bech den to phir is ki qimat garib ko dena lazim hoti he.

Kitabul masail 2/250

2

Janwar ki khal jab tak beche nahi tab tak wo gosht ki tarah he aur usi ke hukm he, yani aap jis tarah gosht kisi ko bhi de sakte hen usi tarah khal bhi de sakte hen.(phir jis ko khal de di wo chahe to bech sakta he) albatta agar paiso se bech den to phir wo zakat ki tarah hojati he. Yani ab us ko garib mustahiq logo ko malik bana kar dena zaruri he. Masjid me khal nahi de sakte kyun ke us me koi malik nahi ban raha he, aur madrase me dena jaaiz balke afzal he,  kyun ke wo khal bechkar us ke paise madrase me padhne wale bacho per kharch kiye jate hen (us ka aur ilm ko felane ka sawab aap ko bhi milega) isi tarah dusri koi tanzim, jamaat ko dene ka yahi hukm  he ke agar wo bech kar garibo ko paise ya kitaben,kapde,makan malik bana kar dete hen to un ko de sakte he,warna nahi.yani malik banakar nahi deta balke in cheezon ko kiraye se ya sirf free me istiamal ke liye dete hai ya us raqam ko khud jamat ke kamon me bataure qarz istiamal karte rehte hai to aesi tanzim wa jamat ko nahi dena chahiye.

Aur khal bechne ke baad ye paise garibon ko jahan tak ho sake jald se jald malik bana kar dekar apni zimmedari se chhutkara hasil kare sharee wajah bagair takheer karna karahat-makrooh hone se khali nahi.

Mustafad az,  aap ke masail our un ka hal 5/466

Fatawa raheemiyah karanchi 10/42 se mustafad

3

Imam, muazzin, wagera hazraat ko un ki tankhah me khal nahi de sakte, un ki tankhah our ujrat alag se he aese hi khushi se de rahe hen to de sakte hen. (our wo hazraat bech ke us ke paise istemal kar sakte hen)

Mustafaz az aap ke masail our un ka hal 5/466

Saudi hukoomat bank ke ziriye qurbani ka intizam karti hai us ki kya haqeeqat hai un ke zariye qurbani karani chahiye ya nahi?

Haji ko qurbani bank ke waaste se karane ka hukm

sawal

Saudi hukoomat bank ke ziriye qurbani ka intizam karti hai us ki kya haqeeqat hai un ke zariye qurbani karani chahiye ya nahi?

Jawab

Saudi hukoomat ne qurbani ke intezam aur uske gosht ko bahifazat mustahqeen tak pahuchane ke liye baaqaidah ek idara bana diya hai aur nizam ye hai ke qurbani ke tokan bank ke zariye se farokhat kiye jatey hai, aur haji token kharid kar mazkoora idara ko apni qurbani ka vakeel bana dete hai, ab na to khud haji ko zabah karney ka ikhtiyar hota hai aur nahi iskey samney zabah ki koi itminan bakhs shakal nikalti hai, balkey mazkoorah idara apney hisab se barabar qurbani ka amal anjam deta rehta hai, ab is shakal me wajib tartib yani rami ke baad aur halaq se pehle hi qurbani hone ka lihaz rakhna to bilkul na mumkeen hai.idara ki taraf se qurbani ki dino aur takbeere tashreek ke dino bad tak bhi hajj ki qurbaniyo ko zabah karney ka silsila jari rehta hai,isee wajha se khas taur par hanfi hujjaj ko mashwara diya jata hai ki wo qurbani ke token kharidney ki bajaye ya to khud qurbangah jakar apni qurbani karey jiska intezam muhalley al sharaaia ke azeem suqul mawashi aur makka muazzama ke muhalley kaakiyah ke salaughter house me kiya gaya hai. Aur taxi ke zariye waha pahucha ja sakta hai.aur agar khud na ja saktey ho to apney ma’atabar dosto aur jankaro ke zariye se qurbani karaye. Aur bank ki token par bharosa na karey,ehtiyat ka taqaza yahi hai.

Note albatta agar koi shakhs esa ho ke na to khud qurbaangah ja sakta ho aur nahi iskey pass qurbani karne ka koi zariya ho to wo majbooran bank ka token kharid sakta hai.is majboori ki wajah se uske liye tino imam-imam shafee,imam malik ,imam ahmad r.a.aur sahibain r.s.ki rai apnane ki ijajat hogi, aur is par tarteeb chhodne ki wajah se dame jinayat lazim na hoga.

 Kitabun nawazil 14/333 mustafad tajwize chhaththa fiqhi ijtima al mabahisul fiqhiyyah jamiate ulama e hind dar haj wa ziyarat no 223

Saudi hukoomat bank ke ziriye qurbani ka intizam karti hai us ki kya haqeeqat hai un ke zariye qurbani karani chahiye ya nahi?

Ek qurbani kai logon ke isaale  sawab ke liye

sawal

Chand marhum ke isaale sawab ke liye qurbani karni ho to har marhoom ka alag alag hisa rakhna zaruri hai ya ek hissah chand marhoom ke sawab ke liye kafi hai?

Jawab

Har ek ke liye juda juda hissah rakhna zaruri hai. Ek hissah ek se zaid marhoom ke liye kafi nahin. Albattah apni taraf se nafal qurbani kar ke uska sawab ek se ziyadah murdon aur zindon ko bakhashna durust hai jaise ke huzoor ﷺ ne ek qurbani ka sawab puri ummat ko bakhsha tha. Agar gunjaish ho allah ne maal diya ho to apne marhum rishtedar, buzrugon ke liye zarur qurbani karen. In dino me dusre nek a’amal ke muqabalah me sabse ziyadah qurbani hee ka sawab hai. Isse murdon ko badaa faidah hota hai.

Fatawa rahemiyyah darul ishaat 10/25

Aur

Kitabun nawazil 14/528 se makhooz

Badey janwar me 7 hisse hote hai, un 7 logo me se kisi ek ka paisa agar  haraam kamai ka ho to  kya baaqi ke 6 ki qurbani saheeh hogi ?

sawal

Badey janwar me 7 hisse hote hai, un 7 logo me se kisi ek ka paisa agar  haraam kamai ka ho to  kya baaqi ke 6 ki qurbani saheeh hogi ?

Jawab

Is surat me baaqi ke 6 sharikon ki qurbani bhi saheeh nahin hogi.

Ahsanul fatawa 7/503

Chand aadmi ka ek ki taraf se nafli qurbani karna

Chand aadmi ka ek ki taraf se nafli qurbani karna

sawal

Ek se zaid aadmi milkar huzoor ﷺ ki taraf se ya apne marhoom rishtedar ki taraf se qurbani karen to  qurbani sab ki taraf se sahih hogi ke nahin ba hawala jawab den

Jawab

Haan ek se zaid  aadmi huzoor ﷺ ya

Rishtedar marhoom ki taraf se qurbani karen to istihsanan (khilafe qiyas maslihatan) nafli isale sawab ki niyyat se qurbani sahih ho jayegi.

Fatawa mahmoodiyah dabhel 17/326  bahawala durre mukhtar

  Fatawa raheemiyyah darul isha’at 10/57

 Kitabun nawazil 14/527 se 529

وان مات احدالسبعة وقال الورثة اذبحوا عنه وعنكم صح عن الكل استحسانا لقصد القربة من القربة .  شامي جلد 6/326کتاب الاضحیہ سعید

Ba’az log qurbani me allah ka hissa rakhne ko kehte hai to ye kaisa hai ?

Qurbani me allah ka hissa rakhna

sawal

Ba’az log qurbani me allah ka hissa rakhne ko kehte hai to ye kaisa hai ?

Jawab

Ba’az log badey janwar me allah ka hissa rakhne ke mutalliq puchhte hai to ye baat yaad rahe ke tamaam hisse aur tamaam qurbaniyan allah ta’ala ke liye hi hoti hai, urf (bol-chaal ke riwaj me) ‘mera hissa’ ‘fulaan ke naam ka janwar’ bol diya jata hai, haqiqat me niyyat ye honi chahiye ke fulaan ki taraf se hissa ya qurbani allah ta’ala ke liye me zabah karta hun.

Deeneemalumat parcha 76

Baap ka apne gharwalon ki taraf se qurbani karna

Baap ka apne gharwalon ki taraf se qurbani karna

sawal

Baap apne bachchon aur ghar walon ki taraf se har saal qurbani karta hai, to gharwalon ki ya bachchon ki ijazat lena zaruri hai ?

Jawab

Agar baap ka ma’amul hai ke wo har saal apne biwi bachchon ki taraf se qurbani karta hai, to sab ki taraf se qurbani durust hai, ghar walon ne ijazat di ho yaa na di ho.

Haan agar har saal bachchon ki taraf se qurbani karne ka mamool nahi hai balke kabhi kabhi badey bachche apni qurbani khud bhi kar lete hai to un ki ijazat lena zarooree hai, warna qurbani saheeh nahi hogi.

Kitabul masail 227 se makhooz.

Qurbani ka janwar kho jana

sawal

Qurbani ka janwar kho jana

Kisika janwar agar gum ho gaya tha, usne dusra kharida, fir woh pehle wala janwar wapas nil gaya to kya hukm hai ?

Jawab

Iski kai sooraten hain

(a) agar woh aadmi maaldaar hai, ya’ani usper qurbani wajib hai, aur usne dusra janwar kharida tha, fir pehle wala janwar mil gaya to woh dono me se jisko bhi chahe zabah kar sakta hai, aur dusre janwar ko apne kaam me laa sakta hai aur bech bhi sakta hai,

(b) agar woh aadmi garib hai aur usper qurbani wajib nahin thi, aur usne dusra janwar nahin kharida to sirf isi janwar ki qurbani lazim hai (jo wapas mil gaya)

(c) aur agar garib aadmi ne dusra janwar kharid liya (jo usper dusri baar kharidna wajib nahin tha.aur nafal kaam shurooa karne se pura karna zarooree ho jata hai) fir pehle wala janwar mil gaya to ab is garib aadmi ko dono janwar ki qurbani karna wajib ho gaya.isliye aqalmandi yahi hai ke khareedte waqt ye niyyat kare ke me us gumshuda janwar ke badle me khareedta hun agar woh mil gaya to usee ko zabah karunga to woh gum shudah janwar mil jayega to sirf ek hi janwar ko zabah karna wajib hoga.

Fatawa mahmoodiyah 17/316 aur

Kitabul masail 2/226 se makhooz

Qurbani na karne par kya waeed hai ?

sawal

Qurbani na karne par kya waeed hai ?

Jawab

Hazrat abu hurairah rd. Se riwayat he ke huzur صلی اللہ علیہ وسلم ne irshad farmaya jis ke paas gunjaish ho (us par qurbani wajib ho) aur us ke bawajud wo qurbani na karey woh hamari eid-gaqh ke qarib bhi na aaye.

(yani us se nafrat aur narazgi ka izhar hai eidgaah ke andar to kya aane ke laiq hota eidgaah ke qareeb bhi na fatke !

Us ka kya munh hai ke eid manane ke liye aaye aur allah ke bandon ki khushi me shareek ho! )

Bayhaqi

Masaile qurbani 31

 

Qurbani karne ki kya fazilat hai ?

Qurbani ki fazilat

sawal

Qurbani karne ki kya fazilat hai ?

Jawab

Hazrat aishah رضی اللہ عنھا se riwayat he ke huzur صلہ اللہ علیہ وسلم ne irshad farmaya ke zil hijjah ki 10 tarikh ya’ani eidul azha ke din insan ka koi amal allah taala ko qurbani se ziyadah mahbub nahin hai aur qurbani ka janwar qiyamat ke din apne singo aur baalo our khuro ke saath zinda hokar aayega our qurbani ka khun zamin per girne se pehle allah taala ki raza aur maqbuliyat ke maqam per puhonch jata hai , pas ae khuda ke bando dil ki poori khushi se qurbaniyan kiya karo.

Dusri riwayat me hai ke qurbani ke janwar ke har baal ke badle me ek neki milegi sahaabah radeeallahu anhum ne arz kiya ya rasoolallah uun ki bhi yahi fazilat hai.(uun barik hone ki wajah se bahut hota hai) huzoor ﷺ ne farmaya haan har un ke baal ke badle me bhi ek neki hai.(mafhume hadis)

Janwar ke badan par hazaaron aur laakhon baal hote hain. Deendari ki baat yeh hai ke itne bade sawab ki lalach me jis par qurbani wajib nahin hai us ko bhi kar deni chahiye yeh din chale jayenge to itna badaa sawab kaise hasil hoga?

Tirmizi sharif wa ibne maajah bahawala masaaile qurbani 32 bifarqi yasir

Qurbani karne ki kya fazilat hai ?

Qurbani ki fazilat

sawal

Qurbani karne ki kya fazilat hai ?

Jawab

Hazrat aishah رضی اللہ عنھا se riwayat he ke huzur صلہ اللہ علیہ وسلم ne irshad farmaya ke zil hijjah ki 10 tarikh ya’ani eidul azha ke din insan ka koi amal allah taala ko qurbani se ziyadah mahbub nahin hai aur qurbani ka janwar qiyamat ke din apne singo aur baalo our khuro ke saath zinda hokar aayega our qurbani ka khun zamin per girne se pehle allah taala ki raza aur maqbuliyat ke maqam per puhonch jata hai , pas ae khuda ke bando dil ki poori khushi se qurbaniyan kiya karo.

Dusri riwayat me hai ke qurbani ke janwar ke har baal ke badle me ek neki milegi sahaabah radeeallahu anhum ne arz kiya ya rasoolallah uun ki bhi yahi fazilat hai.(uun barik hone ki wajah se bahut hota hai) huzoor ﷺ ne farmaya haan har un ke baal ke badle me bhi ek neki hai.(mafhume hadis)

Janwar ke badan par hazaaron aur laakhon baal hote hain. Deendari ki baat yeh hai ke itne bade sawab ki lalach me jis par qurbani wajib nahin hai us ko bhi kar deni chahiye yeh din chale jayenge to itna badaa sawab kaise hasil hoga?

Tirmizi sharif wa ibne maajah bahawala masaaile qurbani 32 bifarqi yasir

 

Ghar ke ek aadmi ki taraf se qurbani kare to sab ki taraf se qurbani adaa ho jayegi yaa nahi ? 

Ek ki taraf se qurbani sab ki taraf se nahi hoti

sawal

Ghar ke ek aadmi ki taraf se qurbani kare to sab ki taraf se qurbani adaa ho jayegi yaa nahi ?

Jawab

Jis ke zimme qurbani wajib hai wo apni taraf se qurbani kare, aur ye samajhna ke ek bakra qurbani kar dene se purey ghar ka wajib adaa ho jayega ye sahih nahi.jis jis ke zimme qurbani wajib hogi us ko apni alag qurbani karna zarooree hoga.

Fatawa mahmudiya bi farq 17/312)

 

Agar koi qurbani na kare uske badale qimat sadaqah kar de to durust hai ? Ya qurbani hi zaruri hai ?

Qurbani ke badle sadaqah

sawal

Agar koi qurbani na kare uske badale qimat sadaqah kar de to durust hai ? Ya qurbani hi zaruri hai ?

Jawab

Qurbani ke dino me (qurbani wajib ho to) qurbani hi zaruri hai, qimat  ka sadqah kaafi nahin,bazon ko janwar lane ,katne aur taqsim ka bojh padta hai to in kamon par bhi bahut ajro sawab diya jata hai agar ye cheez na karni ho to chhote janwar ki qeemat dekar us ki qurbani karne ka kisi ko bhi wakeel-zimmedar bana sakte hai ya bade janwar me hissa le sakte hai lekeen qurbani hi karni padegi un paison se kisi ki madad karne se qurbani ka wajib zimme se na utrega aur gunehgar hoga.

Haan agar kisi wajah se un dino me qurbani nahin kar paaya aur din guzar gaye  to phir qimat ka sadaqah zaruri hai.

Fatawa mahmudiya jadid 17/310 se makhooz)

Berune mulk (foreign) ki qurbani india me

Berune mulk (foreign) ki qurbani india me
sawal

A.

Hamare yahaan u.k. Me 10 zil hijjah ya’ani eid ka din ho aur hamen apni qurbani india me usee din karni ho halan ke us din india me 9 zilhijjah ho to hamari qurbani india me us din ho sakti hai ya nahin?

B.

Agar makkah me 13 zil hijjah ho ya’ani qurbani ka waqt nikal gaya ho aur india me 12 zil hijjah ho ya’ani qurbani ka waqt baaki ho to is surat me agar koi haji apni qurbani india me karaye to sahih hogi ya nahin?

Jawab

A.

Jabtak ke india me

Qurbani ke din shuru’a na ho yahan dusre mulk walon ki qurbani sahih nahin hai. Kyun ke qurbani sahih hone ke liye malik aur janwar dono ka fil jumlah aetibar hai ya’ani muakkil ya’ani qurbani karvane wale par qurbani ka wujoob aana chahiye aur janwar jahan hai wahan qurbani ka waqt hona chahiye. Puchhi hui surat me uk wala jo qurbani karva raha hai us ke zimme to qurbani ka wujoob aa gaya hai lekin india me jahan janwar hai wahan qurbani ka waqt nahin aaya hai lihaza uk wale ki qurbani india me 9 zihijjah ko ek din pehle nahin ho sakti hai qurbani sahih hone ke liye india me bhi 10 zihijjah hona zaruri hai.

B.

Mazkoorah surat me qurbani sahih hai us ki pehli wajah

Makkah me 13 zil hijjah hone ki surat me sababe wujoob ya’ani jiske zimme qurbani ho uska qurbani ke dinon me qurbani par qadir hona yeh us haji ke haq me pehle hi se paya gaya aur dusri shart wujoobe adaa ya’ani qurbani ke waqt ka maujud hona. Janwar india me maujud hai yeh shart bhi yahan pai gayi lihaza bila shak woh haji apni qurbani ka vakil kisi ko india me bana de to 12 zil hijjah ko bhi us ki qurbani sahih hai.

Dusri wajah agar woh qurbani ka vakil banane wala khud 13 zilhijjah ko makkah se safar kar ke india aata aur yahan12 zilhijjah ko qurbani karta to durust tha to wahan rehkar vakil banaye to batarike awla hoga

Kitabun nawazil 14/553 se 558 ka khulasah

Qurbani ka gosht bech sakte hen???

mas’ala no 51 masaile qurbani

Sawal..

Qurbani ka gosht bech sakte hen???

 

Jawab.. 

Qurbani ka gosht bechna jaaiz nahi,  Khaale, taqseem karde,

Agar gosht itna zyada ho ke zaaye hone kharab hone ka khatra ho to gosht bechkar us ki qimat garibo ko de sakte hen.. 

(Mustafad kitabul masail 2/250)

Qurbani ki khal apne kaam me laa sakte hen, khud rakg sakte hen, ??

Mas’ala no 52

Sawal..

Qurbani ki khal apne kaam me laa sakte hen, khud rakg sakte hen, ??

 

Jawab.. 

G haa,  Qurbani ki khal apne istemal me la sakte hen,

Agar bechden to phir is ki qimat garib ko dena lazim hoti he.. 

(Kitabul masail 2/250)

M ibrahim alyani

Qurbani ke janwar ki khal masjid, madrase me de sakte hen.. ?

Sawal.. 

Qurbani ke janwar ki khal masjid, madrase me de sakte hen.. ?

 

Jawab.. 

Janwar ki khal jab tak beche nahi tab tak wo gosht ki tarah he our usi ke hukm he, yani aap jis taragmh gosht kisi ko bhi de sakte hen usi tarah khal bhi de sakte hen… (phir jis ko khal dedi wo chahe to bech sakta he)

Albatta agar paiso se bechden to phir wo zakat ki tarah hojati he..  yani ab us ko garib mustahiq logo ko malik bana kar dena zaruri he.. 

Masjid me khal nahi de sakte q ke us me koi malik nahi banraha he,

Our madrase me dena jaaiz balke afzal he,  qke wo khal bechkar us ke paise madrase me padhne wale bacho per kharch kiye jate hen (jis ka sawab aap ko bhi milega)

Isi tarah dusri koi tanzim, jamaat ko dene ka yahi huk  he ke agar wo bech kar garibo ko paise malki bana kar dete hen to un ko de sakte he.  Warna nahi.. 

(Mustafad az,  aap ke masail our un ka hal 5/466)

Imam sb our muazzin sb ko khal de sakte hen.. ?

Sawal.. 

Imam sb our muazzin sb ko khal de sakte hen.. ?

 

Jawab.. 

Imam, muazzin, wagera hazraat ko un ki tankhah me khal nahi de sakte, 

Un ki tankhah our ujrat alag se he aese hi khushi se de rahe hen to de sakte hen..  (our wo hazraat bechke us ke paise istemal karsakte hen)

(Mustafaz az aap ke masail our un ka hal 5/466)

M Ibrahim Alyani

ZIL HIJJAH KE CHAND HONE KE BAAD BAAL AUR NAKHOON KAATNA KESA HAI? IS KI KIYAA MASLIHAT WA HIKMAT HAI?

 SAWAL

ZIL HIJJAH KE CHAND HONE KE BAAD BAAL AUR NAKHOON KAATNA KESA HAI? IS KI KIYAA MASLIHAT WA HIKMAT HAI?

 

JAWAB

ZIL HIJJAH KE CHAND HONE KE BAAD JIS KE ZIMME QURBAANI HO USE BAAL AUR NAAKHOON EID KI NAMAAZ AUR US KI QURBAANI HONE TAK NA KAATNA MUSTAHAB HAI.TAAKE QURBAANI KA JANWAR US KE HAR HAR JUZ-HISSAH KA BADAL AUR FIDYAH  HO JAYE AUR ALLAH TAALA KI RAHMAT SE US ADMI KE JISM KA KOI HISSAH MAHROOM NA RAHE JIN LOGON KE ZIMME QURBAANI NAHI WOH BHI QURBAANI KARNEWALON KI AUR HAJ KE HAJJYON KI MUSHAABAHAT IKHTIYAAR KARENGE TO WOH BHI INSHAA ALLAH RAHMAT SE MAHROOM NA RAHENGE LEKEEN KOI APNE BAAL AUR NAKHOON KATEGA TO NA GUNEGAAR HOGA NA QURBAANI ME KOI KHARAABI AAYEGI IS PAR WAJIB KI TARAH AMAL KARNA AUR AESA NA KARNE WALON KO TOKNA SAHEEH NAHI JO CHEEZ JIS DARJE ME SABIT HO US KO USEE DARJE ME RAKHNA CHAHIYE.

 

MIRQAATUL MAFAATEEH 3/306

MASAAILE QURBAANI , ISLAAHEE KHUTBAAT SE MAKHOOZ

IMRAN ISMAIL MEMON HANFI GUFIRA LAHOO

MUDARRISE DARUL ULOOM RAMPURA SURAT GUJRAT INDIA

QURBANI KIS PAR WAJIB?

Har musalman aqil balig mard wa aurat jis ke paas qurbani ke din 10,11,12, zil hajjah me  nisaab ke baqadr ka maalik  ho qurbani wajib hai.

Nisaab: 52.5 (saade bavan tola), 612 gram 35 mili gram  chaandi (silver)

ya uski aaj 7/9/2015 ko us ki  qeemat 20600 rs.ka koi bhi maal,saaman qarza ho to ada karne ke baad bachta ho

Ya thoda thoda sona, chaandi, cash rupiye, zarurat se ziyada saaman, tijarat aur gaire tijarat ka maal…. in chizon me se kisi bhi do chiz ko milaya jaye to uski qeemat saade baavan tola chaandi ya 20600 rs.ko pahuch jaye tab  bhi qurbani wajib hai.

Maslan kisi ke paas 1 tola sona hai ahr 50 rs. Cash hai to in dono ki qeemat 52.5 tola chaandi se bhi ziyada hogi, lihaza qurbani wajib hogi,(aajkal bahut see aurton ke paas itna to hota hee hai) haan sirf sona hi ho, sath me kisi qism ka maal bilkul na ho to 7.5 tole se kam ho e ki soorat me qurbani  wajib nahi hai

 

MASAILE QURBANI

AHSANUL FATAWA SE MAKHOOZ

IMRAN ISMAIL MEMON HANFI GUFIRA LAHOO

MUDARRISE DARUL ULOOM RAMPURA SURAT GUJRAT INDIA

KIN JANWARON KI QURBANI NA JAIZ..?

masaile qurbani

KIN JANWARON KI QURBANI NA JAIZ..?

SAWAL

Janwaron ke wo uyoob (khamiyan) kya hai jin se qurbani jaiz nahi hoti..??

 

 JAWAB

★ Qurbani ke janwaron ke uyoob, niche diye huwe  janwaron ki Qurbani jaiz nahin.

1. Jiska ek sing jad se ukhad gaya ho.(dimag tak asar hogaya ho)
2. Andhaa ho.(chahe 1 aankh se aandha ho)
3. Itna Kaanaa ho ke uska kaanaa pan malum hota ho.
4. Itna langda ho ke khud chal kar QurbanGaah tak na ja sake.
5. Itna bimaar ho ke uski bimari saaf tor par zaahir ho.
6. Jiska kaan, Aankh, Punchh wagerah aa’za 1/3 (teesre hisse) se ziyada kat gaya ho.
7. Pedaishi Daant na ho, ya aksar daant gir gaye ho ke ghaas-chaara na kha sakta ho.
8. Aisa paagal ho ke ghaas-chaara na kha sakta ho.
9. Khujli wala janwar jo(khujli ki wajah se) bahot dubla aur kamzor ho gaya ho.
10. Jiska Aanchal(than) sukh gaya ho ya cut gaya ho ya 1/3 se ziyada cut gaya ho.
11. Bakri, Ghenti-dumbi ke 1 Aanchal ka siraa na ho, chahe cut gaya ho ya kisi aur wajah se na ho.
12. Jis Gaay, Untni ke Aanchal ki 2 sirey khatm ho gayi ho.
13. Aisa janwar jiska khaana NaaPaki aur Gandki ho.
14. Jis gaay ya bhensh ki zuban puri ya 1/3 se ziyada cut gayi ho.
15. Itna kamzor ya dubla janwar jiska haddi ka gooda baaqi na raha ho.
16. Khunsa-hijdaa jis me Nar aur Maada dono ki sharmgah ho.

masaile qurbani m.rafat

khulasatul  fatawa 4/320

fatawa raheemiyah 3/383

IMRAN ISMAIL MEMON HANFI GUFIRA LAHOO

MUDARRISE DARUL ULOOM, RAMPURA, SURAT, GUJRAT, INDIA.

Janwar ka zabah kitni rag katne per hoga ??

Sawal.. 

Janwar ka zabah kitni rag katne per hoga ??

 

Jawab

Janwar ke gale me 4 rag hoti he.. 

1) hulqoom, jis se saans liya jata he.. 

2) mari, jis se khana andar jata he.. 

3 aur 4)  do khun ki ragen

In 4 me se 3 rag kaat jaye to janwar halal ho jata he our sharee zabah ho jata he.. 

(Agar 3 na kati sirf 1,ya 2 kati to janwar halal nahi hoga.)

Gardan me kis jagah churi chalayi jaye ??

Sawal.

Gardan me kis jagah churi chalayi jaye ??

 

Jawab

Janwar ki gardan ke kisi bhi hisse me churi chala sakte hen.. 

Us me bich, kinare ki koi qed nahi he..

(Kitabul masail 2,245,246)

M ibrahim alyani

Khassi janwar ki qurbani jaaiz he ?

Sawal..

Khassi janwar ki qurbani jaaiz he 

 

Jawab.. 

Khassi janwar ki qurbani jaaiz, balke afzal our masnun he..  q ke us ka gosht zyada acha hota he..

Gaabhan (hamal wale) janwar ki qurbani jaaiz he??

Sawal …

Gaabhan (hamal wale) janwar ki qurbani jaaiz he??

 

Jawab.. 

Agar wiladat ka waqt qarib he to makruh he warna makruh nahi.. 

(Kitabul masail 2/239)

M ibrahim alyani

Qurbani ka janwar kharida us waqt wo sahih salim tha baad me aib peda hogaya to kya hukm he ??

Sawal…

Qurbani ka janwar kharida us waqt wo sahih salim tha baad me aib peda hogaya to kya hukm he ??

 

Jawab

Agar kharidte waqt janwar sahih salim tha, baad me aib peda hogaya to maaldaar per us ki jagah dusra tandurust, be aib janwar qurbani karna zaruri he

Our agar faqeer he to wahi janwar ki qurbani karsakta he..  dusra lana us per zaruri nahi.. 

 

Janwar sahih tha lekin qurbani ke waqt uchal kud me us me koi aib peda hogaya to kya hukm he?? 

Sawal :

Janwar sahih tha lekin qurbani ke waqt uchal kud me us me koi aib peda hogaya to kya hukm he?? 

 

Jawab

Jo janwar pehle se sahih salim tha lekin qurbani ke liye koshish karte waqt uchal kud me aib hogaya to us ki qurbani me koi haraj nahi (maaldaar, garib sab ke liye)

(Kitabul masail 2/240)

ibrahim alyani

Qurbani ka gosht gair muslim ko bhi dena jaaiz he..

Sawal.. 

Qurbani ka gosht gair muslimo ko de sakte hen  ??

 

Jawab.. 

(Kitabul masail bahawala aalamgiri, aelaussunan, 2,249)

albatta muslim ko dena zya behtar he (fatawa rahimiya qadim 6,165)

qutbani ki khal qasai ko de sakte hen ??

Sawal.. 

qutbani ki khal qasai ko de sakte hen ??

 

Jawab.. 

Qurbani ke janwar ki khal khud istemal karsakte hen, kisi ko de bhi sakte hen, agar khud ne wo khal bech di to is ki qimat garibo me sadqa karna zaruri he,

Qasai ki ujrat me khal nahi de sakte..  us ki ujrat alag se de.  Hadye ke tour per de sakte hen… 

(Mustafad kitabul masail,  2,53)

M ibrahim alyani

Sing tute janwar ki qurbani hogi ? ?

Sawal..

Sing tute janwar ki qurbani hogi ? ?

 

Jawab..

Jis janwar ka sing ka kuch hissa tut gaya he to qurbani durust he,

Lekin agar sing tutne ka asar dimag tak puhonch gaya ho yani dimag ki haddi me surakh hogaya to qurbani durust nahi hogi..

Pedaishi sing na ho aese janwar ki qurbani hogi,??

Sawal..

Pedaishi sing na ho aese janwar ki qurbani hogi,??

 

Jawab.. 

Jis janwar ke pedaishi sing na ho us ki qurbani durust he.. 

(Kitabul masail 2,236)

M Ibrahim Alyani

Kuch aadmiyo ne milkar 1 bade janwar me hisse liye hen to gosht taqsim kese karenge???

Sawal.. 

Kuch aadmiyo ne milkar 1 bade janwar me hisse liye hen to gosht taqsim kese karenge???

 

Jawab.. 

Agar wo aapas me ajnabi hen our sab apna pura hissa chahte hen to sab ko tol kar barabar dena zaruri he,  (andaze se kam zyada dena jaaiz nahi he..)

Our agar aapas ek dusre ko ijazat di he ya sab ghar wale hi hen to is ihtimam ki zarurat nahi he.. 

Yani sab ka alag alag barabar hissa karna zaruri nahi.. 

Bade janwar me sab hisse daar mutayyan hen to zabah karte waqt sab ka name lena zaruri he ??

Sawal… 

Bade janwar me sab hisse daar mutayyan hen to zabah karte waqt sab ka name lena zaruri he ??

 

Jawab.. 

Hisse daar mutayyan ho chuke to zabah ke waqt har ek name lena zaruri nahi, sirf zabah karne se sab ki qurbani hojayegi..

(Mustafad, kitabul masail 2,235)

M Ibrahim Alyani

Chand aadmi milkar 1 hissa lekar Huzure akram sallahu alayhi wasallam  ya kisi ko sawab puhoncha sakte hen???

Sawal.. 

Chand aadmi milkar 1 hissa lekar Huzure akram sallahu alayhi wasallam  ya kisi ko sawab puhoncha sakte hen???

 

Jawab.. 

G haa,,

Agar sawab puhonchane ki niyyat se chand aadmi 1 janwar me yaa janwar ke 1 hisse me sharik hokar qurbani ka sawab us ko puhoncha sakte hen.. 

Is liye ke is me wajib ki adaygi nahi balke sawab maqsad he.. 

(Mustafad kitabul masail 2/233)

Qurbani me waleema ya aqiqa ka hisaa le sakte hen??

Sawal. 

Qurbani me waleema ya aqiqa ka hisaa le sakte hen??

 

 

Jawab.. 

G haa

Waleema sunnat he sawab he, us ka hissa rakh sakte hen isi tarah aqiqe ka bhi rakh sakte hen.. 

(Mustafad kitabul masail 2,233)

M Ibrahim Alyani

Ek janwar me kitne hisse ho sakte hen.. ?

Sawal.. 

Ek janwar me kitne hisse ho sakte hen.. ?

 

Jawab.. 

Bakra, bakri dumbe me 1 hi hissa ho sakta he (yani ek hi aadmi ki qurbani ek janwar me hogi 1 se zyada nahi)

Our bade janwar gaay bhens ount me 7 tak hisse daar ho sakte hen..  (yani zyada se zyada ek bade janwar me 7 aadmi ho sakte hen,  us se zyada nahi,,  haa kam ho sakte hen,  jese 2,3 aadmi milkar pura bada janwar qurbani kare to jaaiz he)

Ek janwar me kitne hisse ho sakte hen.. ?

Sawal.. 

Bade janwar me sharik log kis kis niyyat se sharik ho sakte hen.. ?

 

Jawab.. 

Bade janwar me sharik tamam hazraat ki niyyat sawab our ibadat ki honi chahiye..  (yani sab hisse daar kisi na kisi sawab ke kaam me hissa le rahe ho jese waleema aqiqa qurbani,, kisi ki niyyat sirf gosht ki na ho,, agar kisi ki sirf gosht ki niyyat ho yaa koi gosht ki dukan wala he our hisse se us ko sirf gosht chahiye our koi sawab maqsad nahi to kisi ki bhi qurbani nahi hogi..)

(Kitabul masail 2/233)

M Ibrahim Alyani

Qurbani kin janwaro ki durust he.. ?

Sawal.. 

Qurbani kin janwaro ki durust he.. ?

 

Jawab.. 

Qurbani in janwaro ki durust he..

1..  bakri jis me bakra dumba wagera shamil hen

2..  oont

3..  gaay jis me bhens katre shamil hen.. 

(Mustafad kitabul masail 2/231)

Fitne ke dar se gaay ki qurbani na karna kesa he??

Sawal..

Fitne ke dar se gaay ki qurbani na karna kesa he??

 

Jawab.. 

gaay ki qurbani jaaiz he,,  Lekin agar fitne ke andeshe ki wajah se na kijaye to jaaiz he

(Kitabul masail bifarq 2/231)

M Ibrahim Alyani

Agar waqt per qurbani na karsaka to ab kya hukm he??

Sawal..

Agar waqt per qurbani na karsaka to ab kya hukm he??

 

Jawab..

Agar waqt per qurbani na ki ja saki our janwar pehle se mawjud he to usi janwar ko zinda sadqa karna zaruri he,,,  our agar janwar mawjud na ho to pure janwar ki qimat ka sadqa lazim he..

Qurbani waqt per na karsaka to baad me bade janwar me.hissa lekar qurbani karsakta he ??

Sawal..

Qurbani waqt per na karsaka to baad me bade janwar me.hissa lekar qurbani karsakta he ??

 

Jawab..

Agar qurbani wajin thi our qurbani ke dino me nahi kiya to ab 1 bakre ki qimat garibo per sadqa karna zaruri he..

Yani ab bade janwat me hissa nahi le sakta balke pure janwar ki qimat deni zaruri hogi..

(Mustafad kitabul masail 2/229)

M Ibrahim Alyani

baap apne bacho our ghar walo ki taraf se har saal qurbani karta he to ijazat lena zaruri he??

Sawal…   

baap apne bacho our ghar walo ki taraf se har saal qurbani karta he to ijazat lena zaruri he??

 

Jawab… 

Agar baap ka mamul he ke wo har saal apne biwi bacho ki taraf se qurbani karta he to sab ki taraf se qurbani durust he.. ghar walo ne ijazat di ho yaa na di ho..

(Kitabul masail 227)

Huzure akram sallahu alayhi wasallam  ki taraf se qurbani karsakte hen???

Sawal… 

Huzure akram sallahu alayhi wasallam  ki taraf se qurbani karsakte hen???

 

Jawab..

Koi apni taraf se Huzure akram sallahu alayhi wasallam  ke liye qurbani kare to koi haraj nahi balke saadat ke hasil hone ka zarya he.. 

(Kitabul. Masail 229)

Kisi ka. Janwar gum hogaya tha us ne dusra kharida phir wo pehle wala wapas mil gaya to kya hukm he 

Sawal.. 

Kisi ka. Janwar gum hogaya tha us ne dusra kharida phir wo pehle wala wapas mil gaya to kya hukm he 

 

 

Jawab..

 is ki kai surte hen

1..  agar wo aadmi maaldaar he yani us per qurbani wajib he  our us ne dusra kharida tha phir pehla mil gaya to wo dono me se jo bhi chahe zabah karsakta he.. 

Our dusre ko apne kaam me laa sakta he bech bhi sakta he.. 

2..  agar wo gatib he qurbani wajib nahi thi our us ne dusra janwar nahi kharida to sirf isi janwar ki qurbani karle.. 

3..  our agar garib ne dusra janwar kharid liya (jo us per zaruri nahi tha) phir pehle bhi mil gaya to ab is garib ko dono janwar qurbani karna zaruri honge…

Chhote nabalig bache our pagal agar maalddar ho to un per qurbani wajib he 

Sawal.. 

Chhote nabalig bache our pagal agar maalddar ho to un per qurbani wajib he 

 

Jawab… 

Nabalig bache our pagal per qurbani wajib nahi chahe maaldaar hon..  Our un ke awliya yani dekhbhal karne walo per bhi in ki qurbani zaruri nahi..

Lekin agar karden to behtar he.. 

(Mustafad, kitabul masail 2/226)

M Ibrahim Alyani

Koi garib qurbani ki niyyat se janwar kharidle to kya us per qurbani wajib hojati he 

Sawal..

Koi garib qurbani ki niyyat se janwar kharidle to kya us per qurbani wajib hojati he 

 

Jawab..

G haa. 

Garib agar qurbani ki niyyat se janwar kharide to us per qurbani wajib jojati he.. 

Our usi mutayyan janwar ki qurbani lazim hoti he..

Qurbani ka janwar kharidne ke baad badal sakte hen yaa nahi 

Sawal… 

Qurbani ka janwar kharidne ke baad badal sakte hen yaa nahi 

 

Jawab ..

Agar wo maaldaar he yani us per qurbani wajib thi to wo apna janwar badal sakta he.. 

Q ke maaldaar ke mutayyan karne se janwar mutayyan nahi hota.

Is liye wo badal sakta he.. 

Our agar wo garib he..  yani us per qurbani wajib nahi thi to us ke kharidne se wo janwar mutayhan hogaya

Ab us ko badalne ki ijazat nahi he… 

(Mustafad..  kitabul masail 2/224,226)

M Ibrahim alyani

Maaldaar ne janwar kharida wo margaya to kya hukm he??

Sawal… 

Maaldaar ne janwar kharida wo margaya to kya hukm he??

 

Jawab.. 

Maaldaar ne janwar kharida wo mar gaya to us per dusra janwar kharidna our qurbani karna zaruri he.. 

Garib ne janwar kharida wo. MAr gaya to kya hukm he???

Sawal.. 

Garib ne janwar kharida wo. MAr gaya to kya hukm he???

 

Jawab.. 

Garib ne janwar liya tha wo margaya to dusra qurbani karna zaruri nahi he.. 

(Kitabul masail..  2/222,225)

M ibrahim alyani

Maaldaar aadmi ne qurbani ke liye janwar kharida our wo qurbani se pehle gum hogaya to kya hikm he???

Sawal..

Maaldaar aadmi ne qurbani ke liye janwar kharida our wo qurbani se pehle gum hogaya to kya hikm he???

 

Jawab :

Maaldaar ne qurbani ke liye janwar kharida tha wo gum hogaya to us ko dusra janwar qurbani karna zaruri he..  

Agar garib ne qurbani ke liye janwar kharida phir wo gum hogaya to kya hukm he??

Sawal.. 

Agar garib ne qurbani ke liye janwar kharida phir wo gum hogaya to kya hukm he??

 

Jawab :

Garib ne qurbani ka janwar kharida phir wo gum hogaya to us per dusra janwar qurbani karna zaruri nahi… 

Us ki qurbani khatam hogayi

Ab dusri karna zaruri nahi..

(Kitabul masail 2/222,225 bahwala badaye ussanaye)

M ibrahim alyani

Ek aadmi maaldaar tha lekin qurbani ke din aane se pehle garib hogaya to kya us per qurbani wajib he 

SAWAL

Ek aadmi maaldaar tha lekin qurbani ke din aane se pehle garib hogaya to kya us per qurbani wajib he 

 

JAWAB

Qurbani ke din me garib hogaya yani sahibe nisab nahi raha to is per qurbani wajib nahi.

Sasti qimat ki wajah se dusri jagah qurbani kara sakte hen ??

SAWAL

Sasti qimat ki wajah se dusri jagah qurbani kara sakte hen ??

 

JAWAB

Sasti qimat ki wajah se dusri jagah qurbani karane me koi haraj nahi he. Lekin maali ibadat me jitna zyada rupya kharch kiya jata he sawab utna hi zyada milta he.

Dikhane ke liye mehenge jaanwar kharidna kesa he???

SAWAL

Dikhane ke liye mehenge jaanwar kharidna kesa he???

 

JAWAB

Baaz log dikhane ke liye mehenge janwar kharidte hen our us ka charcha karte hen to is ke sath sawab ki ummid rakhna dhoka he

Allah ke yahan wahi amal maqbul he jo khalis allah ke liye kiya jaye.. 

(Mustafad kitabul masail 2/219)

M ibrahim alyani +919173964404

Agar kisi ne apni qurbani ka intizam dusre sheher me rakha he to kahan ki eid ka aetebar hoga???

SAWAL

Agar kisi ne apni qurbani ka intizam dusre sheher me rakha he to kahan ki eid ka aetebar hoga???

 

JAWAB

Agar dusre sheher me qurbani ka intizam kiya he to jahan janwar he usi sheher ki eid ke baad qurbani sahih hogi

Chahe us malik ke yaha eid na hui ho.

Kisi ne apna janwar gao me  bheja jahan eid ki namaz nahi hoti to kab qurbani karni hogi??

SAWAL

Kisi ne apna janwar gao me  bheja jahan eid ki namaz nahi hoti to kab qurbani karni hogi??

 

JAWAB

Kisi sheher ke aadmi ne apna janwar dihat me rakha ho to eid ke din subah sadiq se hi qurbani durust he

Eid ki namaz ka intizar nahi kiya jayega.. 

(Mustafad  kitabul masail 2/217,218)

M ibrahim alyani +919173964404

Eid gah me namaz hogayi lekin sheher ki masjido me namaz baqi he to kya qurbani kar sakte hen ??

SAWAL

Eid gah me namaz hogayi lekin sheher ki masjido me namaz baqi he to kya qurbani kar sakte hen ??

 

JAWAB :

Agar eid gah me eid ki namaz hogayi our dusri masjido me baqi he to bhi qurbani durust he

Qurbani ho jayegi.

Qurbani ka waqt kab se shuru hota he ? ?

SAWAL..

Qurbani ka waqt kab se shuru hota he ? ?

 

Jawab..

Qurbani ka asl waqt 10 zilhaj ki subah sadiq se shuru hokar 12 zilhaj ke suraj ke gurub hone tak rehta he

Albatta jahan eid ki namaz hoti he (jese sheher ,bada gao)  waha eid ki namaz ke baad qurbani sahih hogi (us se pehle nahi)

our jaha eid ki namaz na hoti ho jese dihat,chhota gao waha subah sadiq ke baad qurbani sahih he..

Agar eid ki namaz ke baad khutbe se pehle qurbani kare to hogi ya nahi???

Sawal..

Agar eid ki namaz ke baad khutbe se pehle qurbani kare to hogi ya nahi???

 

Jawab..

Eid ki namaz ke baad khutbe se pehle qurbani ki to sahih hojayegi

lekin aesa karna acha nahi he

Behtar ye he ke khutbe ke baad hi qurbani ki jaye..

(Kitabul masail bifaeqin yasir 2/215)

M ibrahim alyani +919173964404

agar koi qurbani na kare us ke badle qimat sadqa karde to durust he?  Ya qurbani hi zaruri he??? 

Sawal: ..

agar koi qurbani na kare us ke badle qimat sadqa karde to durust he?  Ya qurbani hi zaruri he??? 

 

Jawab : (qurbani wakib ho to) qurbani ke dino me qurbani hi zaruri he qimat kafi nahi..

Haa agar kisi wajah se un dino me qurbani nahi kar paya our din guzar gaye  to phir qimat ka sadqa zaruri he ..

(Fatawa mahmudiya jadid bi farq 17/310)

Ghar ke ek aadmi ki taraf se qurbani kare to sab ki ada hojayegi yaa nahi??

Sawal ..

Ghar ke ek aadmi ki taraf se qurbani kare to sab ki ada hojayegi yaa nahi??

 

Jawab  ..

Jis ke zimme qurbani wajib he wo apni taraf se qurbani kare..

Ye samajhna ke ek bakra qurbani kardene se pure ghar ka wajib ada hojayega sahih nahi..!!!

(Fatawa mahmudiya bi farq 17/312)

M ibrahim alyani +9191739664404

Qurbani kis per wajib he?? 

Sawal..

Qurbani kis per wajib he?? 

Jawab…

Qurbani us per wajib he jis me ye chize ho ??

1.. musalman ho

2. Aqal wala ho ,, pagal per wajib nahi

3.. balig ho, , bache per wajib nahi

4.. muqeem ho,,, musafir per wahib nahi (yani jo shakh qurbani ke tino din me safar me ho us per qurbani wajib nahi)

5.. us ke paas 612.35 gram chandi ya us ke barabar saman ho

6.. wo saman zarurat se zaaid ho

7.. wo maal chahe sona ho chandi ho yaa gharelu saman ho ya zarurat se zaaid ke makanat jaaidad wagera ho

8.. is me saal guzarna shart nahiQurbani ki tino din me kabhi bhi itna maal aayega to qurbani wajib hojayegi..

(Masaile qurbai 117 bi farq)

Qurbani ke kon konse din hen??

Sawal..

Qurbani ke kon konse din hen??

Jawab ..

Qurbani ke 3 din he

10 /11/12 zilhajj ( 12 ki sham tak)

Is se pehle yaa baad me qurbani motabar nahi he..

Kitabul masail 2/214 bahawala hindiyya wagera

M ibrahim alyani

+9191739664404

Qurbani karne ki kya fazilat he??

Sawal.. 

Qurbani karne ki kya fazilat he??

Jawab 

Hazrat aaisha r. Z se riwayat he ke huzur sallallahu alayhi wasallam ne irshad farmaya ke zil hajja ki 10 tarikh yani eidul azha ke din insan ka koi amal allah taala ko qurbani se zyada mahbub nahi he

Our qurbani ka janwar qiyamat ke din apne singo our baalo our khuro ke sath zinda hokar aayega our qurbani ka khun zamin per girne se pehle allah taala ki Riza our maqbuliyat ke maqam per puhonch jata he

Pas ae khuda ke bando dil ki puri khushi se qurbaniyan kiya karo

(Tirmizi sharif bahawala masaile qurbani 32 bifarqi yasir)

Qurbani na krne per kya waeed he???

Sawal.. 

Qurbani na krne per kya waeed he???

Jawab.. 

Hazrat abu huraira r. Z se riwayat he ke huzur sallallahu alayhi wasallam ne irshad farmaya

 

Jis ke paas gunjaish ho (us per qurbani wajib ho) our us ke bawjud wo qurbani na kare wo hamari eidgah ke qarib bhi na aaye (bayhaqi)

Masaile qurbani 31

(Maulana rafat qasmi)

M ibrahim alyani

+919173964404

 

WAZAN PAR JANWAR KO KHAREEDNA

⭕AAJ KA SAWAL NO.2509⭕

Vazan Karke Janwar ko khareedna kaisa hai? ismein Dhoka Nahin Hota Hai Kyon ke vazan se a qimat ka itminaan ho jata hai.

🔵JAWAB🔵

حامدا و مصلیا مسلما
Janwar tol Ke tole jaane wali cheezon Mein dakhil Nahin Hai is liye hidayah aur fathul qadeer Alamgiri Vagairah mein is muaamle ko Na Jaiz likha hai Na Jaiz Hone ki vajah yah Hai Ki muaamle se pahle a na janwar ka vazan Maloom hota hai na uski qeemat Maloom hoti hai To yah Muaamla majhool- na Maloom Ho Gaya Lekin Jab Janwar ko Tol liya Jaaye us Waqt uska ka vazan aur qimat maloom hokar jahalat khatm Ho Jaati Hai.
Rahi Baat Vazan se janwar ka Mukammal Gosht Maloom Nahin Hota Hai,janwar Sukadkar kar yah Sans fula kar ghatta Badhta rehta hai to yah thodi see jahalat Muaaf hai urf Yaanai Bazar ka Aesa riwaj jis mein khareedar aur aur Bechne walale donon Razi hain lihaza yah Muaamla aakhirkar saheeh ho jayega Darul Darul Uloom Deoband ka jaise Na Jaiza hone ka Fatwa hai vaise hi Upar Dee gai tafseel ke sath jawaz ka Fatwa bhi mawjud hai.us par bhi amal ki gunjaish hai.
Lekin Qurbani Ek Ibadat Hai jis ko saheeh tareeqe se ada karna hee taqwa hai jo us ka maqsood hai lihaza jab tak ho sake is ikhtilaafi tareeqe se Bachana chahiye aur aehtiyat ka pehlu ikhtiyar karna chahiye.

📚 JAWAZ KE QAAILEEN
AHSANUL FATAWA
KITABUN NAWAZIL
ON LINE DEWBAND KE DUSRA FATWA

📚 NAA JAIZ KEHNEWALE
FATAWA RAHEEEMIYAH 10/48
ON LINE DEWBAND KA PEHLA FATWA

و الله اعلم بالصواب

KHASSI AUR GHABHAN JANWAR KI QURBANI

⭕AAJ KA SAWAL NO.2510⭕

1⃣ Khassi janwar ki qurbani jaaiz hai ?

2⃣ Gaabhan (hamal wale) janwar ki qurbani jaaiz hai ?

🔵JAWAB🔵

1⃣ Khassi janwar ki qurbani jaaiz, balke afzal aur masnoon hai, kyun ke us ka gosht ziyada saaf achchaa hota hai.

2⃣ Agar wiladat ka waqt qareeb hai to ghabhan janwar ki qurbani makrooh hai, warna makrooh nahi.

📚Kitabul masail 2/239

و الله اعلم بالصواب

KIN JANWARON KI QURBANI JAIZ?

 کن جانوروں کی قربانی جائز?

⭕AAJ KA SAWAL NO.2511⭕

Janwaron ki aesi khaamiyan (aib) kya hain jinke hone ke bawajood qurbani jaiz hai?

♻JAWAB ♻
حامدا و مصلیا و مسلما

★ In janwaron ki Qurbani jaiz hai

1⃣. Jiska sing toot gaya ho lekin jad-mukh se na toota ho.

2⃣. Aisa khassi ya bura janwar jo jima’a-sohbat na kar sakta ho.

3⃣. Aisi maada jo budhape ki wajah se bachcha na de sakti ho.

4⃣. Bachche wali maada

5⃣. Aisi maada jiske aanchal ka dudh kisi bimari ya aib ke bagair khushk (sukha) ho gaya ho.(agar bimari ki wajah se khushk ho gaya ho to qurbani jaiz nahin).

6⃣. Khaansi ki bimari wala janwar.

7⃣. Daam diya huwa janwar

8⃣. Aisa kaanaa jiska kaanaPan bilkul zahir na ho.

9⃣. Aisa langda jo chal sakta ho, ya’ani pair zamin par tekta aur chalne me pair ka sahara leta ho.

🔟. Aisa bimar jiski bimari zaahir na ho.

1⃣1⃣. Aisa janwar jiska uzw (body part) 1/3 (33%) ya usse kam cut gaya ho.

1⃣2⃣. Jiske Daant na ho lekin Ghaas-Chaara kha sakta ho, Basharte ke yaqeeni taur par uski qurbani ki umr (age) poori ho.

Note:- Baker ke Daant (teeth) sawa 1.25 saal ko aate hain.

1⃣3⃣. Aisa paagal janwar jo Ghas – Chaara kha sakta ho.

1⃣4⃣. Aisi khujli wala janwar jo Motaa-Tagdaa ho.

1⃣5⃣. Aisa janwar jiska Kaan chiraa gaya ho ya’ani lambai me chahe poora fat gaya ho ya chodai (width) me 1/3 -33% se kam cut gaya ho.

1⃣6⃣. Dono kaan thode thode kate ho lekin dono ka total kiya jaye to 1/3-33% se kam ho.

1⃣7⃣. Rasoli (gosht ke andar ke masse, gaanth) wala janwar.

📗Fatawa raheemiyah 3 / 382 qurbani ke masail maulana rafat qasmi rh. ki.

👆👆👆
Upar zikr kiye gaye janwaron ki qurbani jaiz to hai lekin MAKRUHE TANZIHEE hai. (Behtar aur munasib Nahin),
MUSTAHAB yeh hai ke qurbani ka janwar har qism ke aibon se paak aur behtar ho.

📗Khulastul Fatawa 4/320

KIN JANWARON KI QURBANI NA JAIZ

⭕AAJ KA SAWAL NO.2512⭕

Janwaron ke woh uyoob (khamiyan) kya kya hai jin se qurbani jaiz nahin hoti..??

♻JAWAB ♻

★ Qurbani ke janwaron ke uyoob pesh kiye jate hai jin ki Qurbani jaiz nahin.

1⃣. Jis ka ek sing jad se ukhad gaya ho.

2⃣. Andhaa ho.

3⃣. Itna Kaanaa ho ke uska kaanaa pan saaf ma’alum hota ho.

4⃣. Itna langda ho ke khud chal kar QurbanGaah tak na jaa sake.

5⃣. Itna bimaar ho ke uski bimari saaf taur par zaahir ho.

6⃣. Jiska kaan, Aankh, Punchh wagerah a’aza 1/3 (teesre hisse 33%) se ziyadah cut gaya ho.

7⃣. Padaishi Daant na ho, ya aksar daant gir gaye ho ke ghaas-chaara na khaa sakta ho.

8⃣. Aisa paagal ho ke ghaas-chaara na kha sakta ho.

9⃣. Khujli wala janwar jo bahot dubla aur kamzor ho gaya ho.

🔟. Jiska Aanchal sukh gaya ho ya cut gaya ho ya 1/3 se ziyadah cut gaya ho.

1⃣1⃣. Bakri, Ghenti-dumbi ke 1 Aanchal ka siraa na ho, chahe cut gaya ho ya kisi aur wajah se na ho.

1⃣2⃣. Jis bhens,Untni ke Aanchal ki 2 sirey khatm ho gayi ho.

1⃣3⃣. Aisa janwar jiska khaana Na-Paaki aur Gandki ho.

1⃣4⃣. Jis gaay ya bhensh ki zuban puri ya 1/3- 33% se ziyadah cut gayi ho.

1⃣5⃣. Itna kamzor ya dubla janwar jiski haddi ka gooda baaqi na raha ho.

1⃣6⃣. Khunsa (hijdaa) jis me Nar aur Maada dono ki sharmgah ho.

In me se kisi bhi janwar ki qurbani jaiz nahi

📗Masaile qurbani m.rafat qasmi rh.

📘Khulasatul fatawa 4/320

📕fatawa raheemiyah 3/383

JANWARON KO ZABAH KARNA ZULM NA HONE KI 12 DALEELEN

⭕AAJ KA SAWAL NO. 2513⭕

Kya janwaron ko zabah karna yeh un par zulm hai ?

Gairon (Non Muslims) ka kehna hai ke islam ka yeh tareeqah raham ke khilaf aur zaalimah hai kya yeh saheeh hai ?

🔵JAWAB🔵

حامدا و مصلیا و مسلما

Janwaron ko zabah karna zulm na hone ki daleelen pesh ki jati hai۔

1. Allah janwaron ka Maalik hai, Maalik ko Apni milkiyyat (property) me tasarruf (jo chahe woh) karne ka poora ikhtiyar hota hai, kisi dusre ke fate huve kapde ko faadna bhi zulm hai lekin malik apne behtareen kapde ko apne kaam ke liye faad de use koi zulm nahin kehta. musalmano ko Janwaron ke paida karnewale aur maalik Allah ne qurbani karne ka hukm Qur’an me Surah e Kawsar me “وانحر ” Qurbani karo keh kar diya hai is liye Qurbani karte hain.

2. Qurbani har mazhab me balidaan, bhog, balee, bhet chadhana wagerah naam se maujood hai.

3. Murghi, Machhli, Zinge wagerah jaandar ko dusre mazhab wale bhi maarte aur khate hai, to fir aetraz musalmano par hee kyun ?

Maachhiyon se kyun darte ho?

4. Sabziyan (vegetables), phalon(fruits), phoolon(flowers), me bhi jaan hai, unko bhi hawa, paani aur roshni ki zaroorat hai, science kehta hai woh bhi jaandar hai, jeev dayaa karne jaoge to ise khana bhi chhodna padega. chhote jeev me bardashat ki taaqat kam hoti hai, bade jeev me bardashat ki taqat zayada hoti hai, isliye takleef pahonchne me chhota jeev aur bada jeev barabar hai farq karna galat hai

5. Islam mazhab duniya ke har kone ke liye hai, jahaan sirf baraf hee baraf aur registaan hee registaan (ran hee ran) ho jahaan sabziyan nahin hoti, wahaan ke logon ko janwar zabah karne se manaa kiya jaye to log kya khayenge?

6. Gosht (non-veg) khana fitaree(naturally) cheez hai, is liye Allah ne insaan ko faad khane wale janwar ki tarah uppar ke 2 naukeele daant (teeth)aur chabane ke liye gol darhen dee hain. sabzee khanewale janwar ko na naukeele dant diye, na gol darhen dee, balke sab daant sidhe aur chapti darhen dee. lihaza yeh naukeele (poited) tinne daant aur gol darhen sirf sabziyan khane nahin dee hai, balke gosht khane dee hai.

7. janwar ko zabah na karte to bhi woh ek na ek din bimari me mubtala ho kar tadap tadap ke zaroor marnewala hai. woh hamesha nahin jita hai. zabah karne se use aasaan maut milti hai. isiliye apni samajh me aasan maut hee ke liye ba’az insan khudkushi-aatmhatya- suiside karte hain. taake bimari aur qarz chukane ki taklif uthani na pade.

8. Jo janwar baanjh hai bachche nahin jante, doodh (milk) nahin dete aur budhe-kamzor ho gaye hain unko ghaas charah khilane me ghaas charah kam hota hai, paise bhi zaye’a hote hain. aur behtar janwaron ke chaare ka haq- stock kam ho jata hai.Ya to baahar charne ke liye chhodne me plastic ki theliyan khakar marti hain
Aql yeh kehti hai ke aise janwaron ko zabah kar dena chahiye taake ghas charah achchhe janwaron ko mile aur us se un janwaron ki sihhat wa tandurasti me izafah ho aur doodh me badhotari(ziyadati) ho. aisa karna un achchhe janwar par raham hai.

9. Zulm ka matlab sirf taklif pahonchana ho to har qaum ko khatmal, machchhar, chooha wagaira taklif pahonchane wale janwar ko sirf bhagane ki ya pakad ke kahin chhod aane ki tricks ya machine isteamal karni chahiye, iske bajaye dawa dalkar maar Jaan se maar dalte hai,us ke kaatne ki ma’amuli taklif jis se insan ki jaan ka khatra nahin apni raahat ke liye maar dalte hain pataa yeh chala ke insan sab se behtar makhluq (jeev) hai apne fayde ke liye adna-(ma’amuli) makhluq (jeev) ko maar sakta hai.balke khuda ne dunya ki tamam cheez insan ke fayde hee ke liye paida ki hai.(quran surat.2 aayat 29)

10. janwar ka doodh har Qaum peeti hai baawajood iske ke woh us janwar ke bachche ka haq hai, jab yeh zulm nahin to gosht khana kaise zulm hoga!

11. Janwar ko apni mehnat ki kamai se lakar us ki khidmat kar ke fitri raham ki wajah se dil na chahte huve use zabah karte hain isme musalman apne jazbat ”maal se muhabbat, janwar se muhabbat, fitaree-qudrati raham yeh sab rooh aur aatma ki khwahish-chahat ko Allah ke hukm ke samne Qurban kar deta hai andar ke jazbaat (feelings) ki Qurbani janwar ko zabah kar ke zahir karta hai.”

12. Janwar ko kaata na jaata to ek din khud mar ke mitti me mil kar barbad ho jaata ham khakar use apne jism aur dil me jaga dete hain uska hissah banaa lete hain, apne jism me basa lena yeh unke saath achchha sulook hai.

💎Aur bhi bahot si daleelen hain ek dozen par bas karta hun isse saabit huva janwar ko zabah karna un par na zulm hai na raham ke khilaf hai.

SASTI YA MAGENGI QURBAANI KARNA

⭕AAJ KA SAWAL NO.2514⭕

1⃣ Sastee qeemat ki wajah se dusri jagah qurbani kara sakte hai ?

2⃣ Dikhane ke liye aur logon ki tareef hasil karne ke liye mehenge jaanwar kharidna kesa hai ?

🔵JAWAB🔵

حامدا و مصلیا و مسلما

1⃣ Sasti qimat ki wajah se dusri jagah qurbani karane me koi haraj nahi hai. Lekin maali ibadat me jitna zyada rupya kharch kiya jata he sawab utna hi zyada milta hai.

bahaar hissa dene me janwar ki khidmat, janwar ko zabah karna, gosht ki taqsim wagairah hamari jismani koi mehnat nahi lagti lihaza ikhlas ke sath apni haisiyat ke mutabiq achchhi qeemat ki qurbani karni chahiye.

2⃣ Baaz log dikhane ke liye mehenge janwar kharidte hai aur us ka charcha karte hai to is ke sath sawab ki ummid rakhna dhoka hai bajaye sawab ke riyaakari aur shohrat-naam karne ka gunah hoga.

Allah ke yahan wahi amal maqbul he jo khalis Allah ki Raza aur us ko khush karne ke liye kiya jaye.

📗Mustafad kitabul masail 2/219

و الله اعلم بالصواب

QURBANI KE JANWAR KA AIBDAR HO JANA

🔴SAWAL NO.2515🔴

1⃣
Qurbani ka janwar khareeda us waqt wo saheeh saalim tha baad me aib peda hogaya to kya hukm hai ?

2⃣
Janwar saheeh tha lekin qurbani ke waqt uchal kud me us me koi aib peda hogaya to kya hukm he?

🔵jawab🔵

1⃣
Agar khareedte waqt janwar saheeh saalim tha, baad me aeb peda hogaya to maaldaar per us ki jagah dusra tandurust, be aib janwar qurbani karna zarooree he

Aur agar faqeer hai- aesa aadmi jis par qurbani wajib nahi thi woh ho to wahi janwar ki qurbani kar sakta hai..  dusra lana us per zaruri nahi.. 

2⃣
Jo janwar pehle se saheeh salim tha lekin qurbani ke liye koshish karte waqt uchal kud me aib ho gaya to us ki qurbani me koi haraj nahi (maaldaar, gareeb sab ke liye ek hee hukm hai)

📗Kitabul masail 2/240

✏Mufti Imran Ismail Memon sahab

🕌Ustaad e daarul uloom Rampura surat, Gujarat, India

 

Qurbani ka janvar mar jaana

⭕Aaj ka sawal no.2516⭕

🅰Maal daar ne janvar khareeda woh mar gaya to kya hukm hai ?

🅱Gareeb ne janvar kharida woh Mar gaya to kya hukm hai ???

🔵Jawab🔵

حامد و مصلیا و مسلما

🅰Maal daar ne janvar khareeda woh mar gaya to us per dusra janwar khareedna aur qurbani karna zarooree hai…

🅱Gareeb ne janvar liya tha woh mar gaya to dusree qurbani karna zaruri nahin hai…

📘Kitabul masail.. 2/305

📙BA HAWALA DURRE MUKHTAR 9/394 MAKTABE ZAKARIYA
و اللہ اعلم بالصواب

 

QURBANI KE DINO ME GAREEB YA MAALDAAR HONA

⭕AAJ KA SAWAL NO.2517⭕

1⃣.
Ek aadmi maaldaar (sahibe nisaab) tha, lekin qurbani ke din aane se pehle gareeb (qurbani ke nisab se kam) ho gaya, to kya us par qurbani wajib he ?

2⃣.
Ek aadmi gareeb tha, lekin qurbani ki dino me maaldaar ho gaya, to kya us par qurbani wajib he ?

🔵JAWAB🔵

حامدا و مصلیا و مسلما
1⃣.
Qurbani ke dino (10 dasvi zilhijjah ki subah sadiq se lekar 12 baaraah vi zilhijjah ke groobe aaftab tak) me gareeb ho gaya, yani sahibe nisab na raha, to is par qurbani wajib nahi.

2⃣.
Jo pehle faqeer tha, Qurbani ke dino me ya qurbani ke tisre din aakhri waqt me bhi maaldaar ho gaya, to us par qurbani wajib he.

📙Mustafaad az kitabul masail 2/222
📘BA HAWALA SHAMI

و الله اعلم بالصواب

MAALDAR AUR GAREEB KA QURBANI KE JANWAR KO BADALNA

⭕AAJ KA SAWAL No. 2518⭕

Maaldar aur gareeb Shakhs Ko qurbani ke Janwar Ko badalna kaisa hai?

🔵JAWAB🔵

حامدا و مصلیا مسلما

Maaldar Shakhs Ko ikhtiyar hai ki vo apna muta’yyan-tay kiya huwa Janwar qurbani se pehle Badal le aur us ki jagah doosre Janwar ki qurbani kare. Kyon ke maaldar Shakhs ke muta’yyan karne se qurbani ka Janwar muta’yyan nahi hota; lihaza use badalna ka ikhtiyar rehta hai.
Lekin gareeb (Jo sahibe nisab na ho) us ne qurbani ki niyyat se jis janwar khareeda ho us janwar ko badal nahi sakta,usee janwar ki qurbani wajib hai.
و الله اعلم بالصواب
📘KITABUL MASAIL2/304
BA HAWALA
📕SHAMI 9/471 MAKTABE ZAKARIYA

 

QURBANI KIS PAR AUR KITNI QEEMAT PAR WAJIB..?

⭕AAJ KA SAWAL NO.2499⭕

Qurbani Kis Par Wajib Hai Aur Is Saal Uska Nisab Kitne Rupiye Par Banta Hai.? Poori Tafseel Batayen.?

🔵 JAWAB 🔵
حامدا و مصلیا و مسلما

Har Woh Shakhs Jo Aaqail, Baalig, Muqeem Ho Aur Uske Paas Qurbani Ke Dinon Me Yaani 10 Zil-Hijjah Se 12 Vi Zil-Hijjah Ke Gurub E Aaftab Tak Saade Bawan Tola Chandi Yani 612 Gram., 350 Milli Gram Chandi Ki Qeemat (1 Zee Qadah 1442 Hijri Angrezi Ta’reekh 12-6-2021 Ko India Me Nisab 44,200 Rs.) Ka Tijarati Aur Zarurat Se Zaaid (Extra) Maal Saamaan Qarz Ki Adaygi Ke Baad Maujood Ho,

Yaa 12 Zil-Hijjah Ke Gurub Aaftab Se Pehle Itna Maal Kahee Se Aajaye, To Us Par Qurbani Wajib Hai.

📝 NOTE :
1. Qurbani Ke Nisab Par Saal Guzarna Zaruri Nahin.

2. Qurbani Wajib Hone Ke Maal Ka Tijarati – Bechne Ki Niyyat Se Khareeda Huwa Hona Shart Nahi. Zaroorat Se Zaid Hona Hee Kaafi Hai.

3. Qurbani Wajib Karne Ke Nisab Me, 3 Jodi Se Zaaid Kapdon Ko, 2 Jodi Se Zaaid Joote, Chappal Ko, Showcase Aur Uske Zeenat Ke Tamaam Saamaan Ko, TV, Extra Plot, Flats Wagairah Jo Bechne Ki Aur Istemal Ki Cheezen Nahin, Un Tamam Ki Qeemat Bhi Shumar Ki Jayegi.

📗 KITABUL MASAIL 2/300
📘AHSANUL FATAWA SE MAKHOOZ.
و الله اعلم بالصواب

 

QURBANI KI FAZEELAT

⭕AAJ KA SAWAL NO.2500⭕

Qurbani karne ki kya fazeelat hai?

🔵JAWAB🔵

حامدا و مصلیا و مسلما

Hazrat Aishah رضی اللہ عنھا se riwayat hai ke Huzur صلی اللہ علیہ وسلم ne irshad farmaya ke:-

Zil hijjah ki 10 tarikh ya’ani eidul azha ke din insan ka koi amal Allah ta’ala ko qurbani se ziyadah mahboob nahin hai aur qurbani ka janwar qiyamat ke din apne singo aur baalo Aur khuron ke saath zindah ho kar aayega aur qurbani ka khoon zameen per girne se pehle Allah ta’ala ki razaa aur maqbooliyat ke maqaam per pahonch jaata hai, pas ae khuda ke bando dil ki poori khushi se qurbaniyan kiya karo.

Dusri riwayat me hai ke qurbani ke janwar ke har baal ke badle me ek neki milegi sahaabah radiyAllahu anhum ne arz kiya ya rasoolallah uun ki bhi yahi fazeelat hai? (uun barik hone ki wajah se bahut hota hai isliye sahaba ne puchha)
Huzoor ﷺ ne farmaya:-
Haan har unn ke baal ke badale me bhi ek neki hai.

Mafhoome hadees

Janwar ke badan par hazaaron aur laakhon baal hote hain. Deen daari ki baat yeh hai ke itne bade sawab ki laalach me jis par qurbani wajib nahin hai usko bhi kar deni chahiye yeh din chale jayenge to itna badaa sawab kaise hasil hoga?

📕Tirmizi sharif wa ibne maajah bahawala

📗Masaaile qurbani 32 Thode farq ke sath

و الله اعلم بالصواب

 

HAALAT KI WAJHA SE QURBANI KE BADLE SADAQAH

⭕Aaj ka sawal no.2501⭕

Mavjoodah corona viruse ke halaat me qurbani karne me pareshani hogi to Agar koi qurbani na kare aur uske badale qimat sadaqah kar de to durust hai ? Ya qurbani hee zaruri hai ?

🔵JAWAB🔵

Qurbani ke dino me (qurbani wajib ho to) qurbani hee karne ki puri koshish ki jaye, apne ilaqe me mumkin na ho to puri dunya me jahan bhi mumkin ho wahan qurbani hee karwaana zaruri hai, qimat ka sadqah kaafi nahin.

bazon ko janwar lane, katne aur taqsim ka bojh padta hai to in kaamon par bhi bahut ajro sawab diya jata hai.

agar yeh cheez na karni ho to chhote janwar ki qeemat dekar us ki qurbani karne ka kisi ko bhi wakeel-zimmedar bana sakte hai ya bade janwar me hissah le sakte hai.

Lekin qurbani hee karni padegi, un paison se kisi ki madad karne se qurbani ka wajib zimme se na utrega balke gunehgar hoga.

Haan agar kisi wajah se un dino me qurbani nahin kar paaya aur din guzar gaye  to phir qeemat ka sadaqah zaruri hai.

📗Fatawa mahmoodiya jadid 17/310 se makhooz

و الله اعلم بالصواب

JANWAR KI UMAR & PEHCHAN

⭕AAJ KA SAWAL NO. 2502⭕

Kaun se Janwar ki Kitni Umra Qurbani ke liye jaruri hai aur Umar Mukammal hone ki kya pahchan hai aur daant Gir Gaye Ho ya daant Hi Na Aaye Ho uski qurbani durust hai ?

🔵JAWAB🔵

حامدا و مصلیا مسلما

Qurbani ka janwar Bakra Bakri ghainta Ghanti hai To 1 Saal.

Gaay Bhains, pada ho to 2 Saal.

Aur unt (camel) hai to 5 Saal Mukammal hona zaroori hai.

Albbtta Dunba aur ghenta 6 mahine Ka Ho to 1 Saal ke gheton aur dumbon ke Darmiyaan Chhod Diya Jaaye to Dekhne Mein Uski hight Aur motape ki vajah se 1 Saal Ka Maloom Hota Ho to uski Qurbani bhi durust hai.

Janwar Qurbani ke layik hai ya nahin uski pahchan Daant Se Hoti Hai, Agar Bakre Mein Upar ki do daant Hai to Ek Saal Ka yaqeeni Hai, Kyun aam to par sava Saal me daant Aate Hain.

Aur badey janwar me niche darmiyan ke 2 daant dusre Daanton ke muqabale mein bilkul numaymaya-alag hote Hai, istaur par ke woh upar se Thode terhe ya chode aur pile hote hai, aam Taur per Sawa do saal Mein Aate Hain, aur dudhye sab dant ek jaise aur ekdam white hote hai, lekin Agar kisi janwar ke Pakke daant Na aaye Ho lekin yaqeeni taur par uski Umar Qurbani ke layaq hone ka ilm ho to uski Qurbani bhi durust hai.

📗FATAWA RAHEEMIYAH
📘AALAMGIRI 5/114

Note: Aajkal sirf daant dekhkar badey janwar khareed liye jate hai, dudhiye daant to har janwar me hote hai. pakke daant ki pehchan zarooree hai

و الله اعلم بالصواب

QURBANI NA KARNE PAR WA’EED

⭕AAJ KA SAWAL No. 2503⭕

Qurbani jo na kare to kya wa’eed hai?

🔵JAWAB🔵

حامدا و مصلیا مسلما

Hazrat Abu Hurairah (Radiyallhu ta’ala anhu) se rivayat hai hai ke allah ke rasool (Sallallahu alayhi wasallam) ne farmaya: “Jis ko wus’at-maaldari ho fir bhi vo qurbani na kare, to vah hamare idgaah ke qareeb bhi na aae.”
(AL JAMIYUS SAGEER)

FAYDA: Jo shakhs shar’ee nisaab ka maalik ho, us par qurbani vaajib hai, agar qurbani nahi karega to sakht gunahgaar hoga. Mazkoorah hadeesh me Rasulullah ﷺ ne aese shakhs par naarazgi ka izhaar farmaya hai.
Dar haqeeqat idgaah sirf namaz ki adaigee ki jagah nahi hai, balke mo’min bandah jab ahkaam ki itaa’at karta hai, aur Nabvi ta’aleemaat ke mutabiq apni zindagi guzarta hai, to woh us haal me hota hai ke us ke gunah maaf kar diye jaae. Agar usne ahkaame khudawandi ka pass va lihaaz nahi rakha aur qurbani jaisi aham ibadat ko chhod diya to goya woh apne gunah ki maafi ka taalib nahi hai; Isliye use idgaah me aane ki kya zaroorat hai? Aise aadmi ka idgaah me aana Rasulullah ﷺ ko pasand nahi hai.

Haqiqat me Eid Farmabardar aur ita’at guzaar shakhs ki hai, is liye aap ﷺ ne izhaare narazgi ke khaatir farmaya: ‘Aisa shakhs hamari idgaah me na aae.’

Aisa shakhs us laaik nahi hai ke us ke gunah maaf ho, aur us ki namaz maqbool ho, kyun ki wus’at-maaldari ke baavjood qurbani na karne ki vajah se woh Allah ta’ala ki nazare rahmat se mahroom ho gaya hai, is liye aise aadmi ke liye idgaah me aana aur na aana dono barabar hai, idgaah me dakhil hone ke bavjood woh rahmat va magfirat se mahroom hi rahega.

aap ﷺ ke mazkoorah irshad ka ye matlab hargiz nahi hai ke jo shakhs qurbani karne ka iradah na rakhta ho, woh idgaah me na aae, balke is hadees ka vaazih matlab ye hai ke mo’min ko ye zaib nahi deta ke qurbani jesi azeem ibadat to voh chhod de aur idgaah me namaz ke liye haazir ho, balke us ki shaan to ye hai ki woh Allah ta’ala ke har hukm ki ita’at kare, Eid ke din namaz bhi padhe aur qurbani bhi kare. (Goya aap ﷺ ka mazkoorah irshad bataur jhidki, daant, dapat aur dhamki ke maa’ne me hai.)

و الله اعلم بالصواب

 

HARAAM AUR NA JAIZ KAMAI WALE KE JANWAR ME HISSE KA HUKM AUR FARQ

⭕AAJ KA SAWAL NO.2504⭕

Jis ki kamai saaf-bilkul haraam ho aur jis ki kamai makrooh ho un ke badey janwar me hisse lene me kya farq hai ?
Ahsanul fatawa me na jaiz aur kitabun nawazil jaiz likha hai in dono me kya tatbeeq-jod Hai ?

🔵JAWAB🔵

حامدا و مصلیا مسلما

Jis ki kamai saaf haraam ho jaise juwa, sharab, sood ka karobar aur chori kee, wohi na jaiz haraam raqam se shirkat kare to woh khud in raqam ka sharee taur par malik nahi huwa hai, isliye kisi bhi shareek ki qurbani saheeh nahi hogi.

Aur makrooh aur na jaiz karobar ho jaise raakhi, patang wagairah bechna to us se un raqam woh malik ho jata hai lihaza aese makrooh karobar wale ke sath shirkat saheeh ho jayegi aur qurbani adaa ho jayegi.

Kitabun nawazil me jo qurban ka jawaz likha hai is se yahi surat murad hai.

📗MUSTAFAAD AZ KITABUN NAWAZIL

و الله اعلم بالصواب

 

QURBANI ME VALEEMAH, AQEEQAH YA ALLAH KA HISSA RAKHNA

قربانی میں عقیقہ،ولیمہ يا اللّٰہ کا حصہ رکھنا

🔴Aaj ka sawal No.2506🔴

1⃣. Qurbani me valeemah ya aqeeqah ka hissah rakh sakte hain ?

2⃣. Ba’az log qurbani me Allah ka hissa rakhne ko kehte hai to ye kaisa hai ?

🔵Jawab🔵

حامد و مصلیا و مسلما

1⃣. Ji haan, Valimah sunnat hai, sawab hai, us ka hissah rakh sakte hain, isee tarah aqiqah ka hissah bhi rakh sakte hain.

📚Mustafad az kitabul masail 2/233,shami 6/226)

2⃣. Ba’az log badey janwar me Allah ka hissa rakhne ke mutalliq puchhte hai to ye baat yaad rahe ke tamaam hisse aur tamaam qurbaniyan Allah ta’ala ke liye hee hoti hai, urf (bol-chaal ke riwaj me) ‘mera hissa’ ‘fulaan ke naam ka janwar’ bol diya jata hai, haqeeqat me niyyat ye honi chahiye ke fulaan ki taraf se hissa ya janwar Allah ta’ala ke liye me qurbani karta hun.

Ek qurbani kai logon ke isaale  sawab ke liye

ایک قربانی سے کئی لوگوں کو ایصال ثواب

⭕AAJ KA SAWAL NO.2507 ⭕

Chand marhoom ke isaale sawab ke liye qurbani karni ho to har marhoom ka alag alag hissah rakhna zarooree hai ya ek hissah chand marhoom ke sawab ke liye kafi hai?

🔵JAWAB🔵
 
Har ek ke liye juda juda hissah rakhna zarooree hai. Ek hissah ek se zaid marhoom ke liye kaafi nahin. Albattah apni taraf se nafal qurbani kar ke uska sawab ek se ziyadah murdon aur zindon ko bakhashna durust hai jaise ke Huzoor ﷺ ne ek qurbani ka sawab poori ummat ko bakhsha tha.

Agar gunjaish ho Allah ta’la ne maal diya ho to apne marhoom rishtedar, buzrugon ke liye zaroor qurbani karen. In dino me dusre nek a’amal ke muqabalah me sab se ziyadah qurbani hee ka sawab hai. Is se murdon ko badaa faidah hota hai.

📗Fatawa rahemiyyah darul ishaat 10/25 , 9/57Qadeem
 Aur
📕Kitabun nawazil 14/528 bahawala
🕋Durre mukhtaar ma’sh shami 9/471 Maktabe zakariya se makhooz

Chand aadmi ka ek ki taraf se naflee qurbani karna

⭕sawal no.2510⭕

Ek se zaaid aadmi milkar Huzoor ﷺ ki taraf se ya apne marhoom rishtedar ki taraf se qurbani karen to  qurbani sab ki taraf se sahih hogi ke nahin ba hawala jawab den

🔵Jawab🔵

Haan ek se zaaid  aadmi Huzoor ﷺ ya Rishtedar marhoom ki taraf se qurbani karen to istihsanan (khilafe qiyaas-aql maslihatan) nafli qurbani isale sawab ki niyyat se saheeh ho jayegi.

📕Fatawa mahmoodiyah dabhel 17/326 bahawala durre mukhtar

  📗Fatawa raheemiyyah darul isha’at 10/57

 📘Kitabun nawazil 14/527 se 529

وان مات احدالسبعة وقال الورثة اذبحوا عنه وعنكم صح عن الكل استحسانا لقصد القربة من القربة
.شامي جلد 6/326 کتاب الاضحیہ مکتب سعید

و الله اعلم بالصواب

WAJIB QURBANI KE LIYE NAQAD PAISA NA HO TO?

🔴Aaj ka sawal No.2519🔴

Koi Maaldar To Hai Lekin Haalat ki wajha se Uske Pas Naqdi {Cash} Nahi Hai,Sona Chandi Zameen Hai To Wo Kya Kare? Qurbani Kare Ya Nahi..???*

🔵Jawab🔵

حامد و مصلیا و مسلما

Agar Itna Maal Ho Ke Qurbani Wajib Ho Gayi HoTo Qarz Le Ke Kare,Ya Phir Apna Saman Beche Kar Kare,qurbani chhod kar baad me talafi karne ki ijazat nahi

📚 Kitabul Fatawa

🎤 Note-Log Apni Duniya Ki Zaroorat K Liye Qarz Le Sakte Hain To Allah Ke Liye Kyun Nahi ! Aur Duniya Ke Liye Apna Saman Bech Sakte Hain To Deen K Liye Kyun Nahi !

 

GHUMSHUDAH JANWAR BAAD ME MIL GAYA

⭕AAJ KA SAWAL No.2520⭕

Agar Gumshudah janwar wapas mil jaae to us ka kya hukm hai?

🔵JAWAB🔵

حامدا و مصلیا مسلما
Agar Gumshudah janwar wapas mil jaae to us ki teen soorten hain :

(1) Agar maaldar ka gumshudah Janwar Mila hai to us par khaas usi Janwar ki qurbani laazim nahi hai; Balke kisi ek Janwar ki qurabmi vajib hone ke aetibar se kar Sakta hai.

(2) Faqeer Shakhs ka gumshudah Janwar mil Gaya or usne mazeed koi Janwar qurbani ki niyyat se nahi kharida tha to us par sirf haasil shudah Janwar ki qurbani karna laazim hai.

(3) Aur agar gumshudah ke Milne se pehle faqir koi aur Janwar qurbani ke maqsad se khareed Chuka tha Baad me ghumshudah bhi mil Gaya to ab us par naye khareed kiye huwe aur haasil shudah dono janwaron ki qurbani laazim hogi.

📘KITABUL MASAIL 2/307
BA HAWALA
📕ALAMGIRI 5/294

و الله اعلم بالصواب

 

BADE JANWAR ME 7 HISSE TOLKAR TAQSIM KARNE KA HUKM AUR GUNJAISH

🔴Aaj ka sawal No.2522🔴

Bade janwar ki qurbani me saat aadmi shareek ho to gosht kaise bantna chahiye ? siri-mundi,paye kis ko de ?

🔵Jawab🔵

حامد و مصلیا و مسلما

Qurbani ka Gosht agar kai aadmiee shareek ho aur sab ajnabi hai aur har ek ko apna poora hissa chahiye to usko atkal-andaze se taqseem karna jaa’iz nahi balki khoob aehatyaat se tol kar barabar barabar hisse karna zarooree hai,

haan! Agar kisi ke hisse me siri aur paaye rakh diye jaye to uske gosht ke wazan ke hisse me kami jaa’iz hai, Aapas ki razamandi gosht zayada lekar dusre ko siri ya paye de diye jaye.

Agar sab shareek ek ghar ke afrad ya rishtedar ya dost ahban ho aur har ek ko pura hissa nahi chahiye to aapas me ek dusre ko nafa uthhane ki mutlaqan-har tarah se ijazat de den to tol kar goshat wagairah alag alag karna zarooree nahi .

📘KITABUL MASAIL 2/315
BA HAWALA
📕DURRE MUKHTAR 9/460

و الله اعلم بالصواب

 

WAKEEL BANANE AUR ZABAH KE WAQT TAMAM SHAREEKON KA NAAM LENA

🔴Aaj ka sawal No.2506🔴

1.Bada janwar zabah karte waqt,
2. janwar khareedte waqt
3.janwar kisi madrasah ya committee ko likhwate waqt,
tamam shurakaa naam lena likhwana zarooree hai?

🔵Jawab🔵

حامد و مصلیا و مسلما

Tinon suraton me naam bolna ya likhwana zarooree nahi sirf khareedte waqt ya janwar likhwate waqt tamam shareekon ki dil ki niyyat kafi hai. albattah madrasah ya committee ko qurbani ka wakeel banate waqt naam likhwa dena behtar hai taa ke dil ki niyyat ka izhar zaban se bhi ho jaye aur kisi ko shak,shubah,waswasa baqi na rahe aur kisi ki qurbani reh jani ki galti na ho
janwar zabah karne baad Huzoor sallallahu alaihi wasallam jis ka janwar hota us ka naam lekar Allah se qubooliyat ki dua karte the.

📘KITABUL MASAIL 2/315 SE MAKHOOZ
BA HAWALA.

BADE JANWAR ME 7 HISSE TOLKAR TAQSIM KARNE KA HUKM AUR GUNJAISH

🔴Aaj ka sawal No.2522🔴

Bade janwar ki qurbani me saat aadmi shareek ho to gosht kaise bantna chahiye ? siri-mundi,paye kis ko de ?

🔵Jawab🔵

حامد و مصلیا و مسلما

Qurbani ka Gosht agar kai aadmiee shareek ho aur sab ajnabi hai aur har ek ko apna poora hissa chahiye to usko atkal-andaze se taqseem karna jaa’iz nahi balki khoob aehatyaat se tol kar barabar barabar hisse karna zarooree hai,

haan! Agar kisi ke hisse me siri aur paaye rakh diye jaye to uske gosht ke wazan ke hisse me kami jaa’iz hai, Aapas ki razamandi gosht zayada lekar dusre ko siri ya paye de diye jaye.

Agar sab shareek ek ghar ke afrad ya rishtedar ya dost ahban ho aur har ek ko pura hissa nahi chahiye to aapas me ek dusre ko nafa uthhane ki mutlaqan-har tarah se ijazat de den to tol kar goshat wagairah alag alag karna zarooree nahi .

📘KITABUL MASAIL 2/315
BA HAWALA
📕DURRE MUKHTAR 9/460

و الله اعلم بالصواب

MUSAFIR PAR QURBANI KA HUKM

🔴Aaj ka sawal No.2523🔴

Ye bat saheeh hai ke musafir par qurbani wajib nahi?

🔵Jawab🔵

حامد و مصلیا و مسلما

Han sharee musafir jo apne rehne ke ilaqe se 77.25 Sawa satattar kilo metar ya us se zaid door ho to us par qurbani wajib nahi Agar 10 zilhijjah ki subah se 12 zilhijjah ke Suraj dubne tak in 3 Dino ke andar musafir apne watan pahunch gaya ya usne kahi iqamat-15 din ya us se zaid thherne ki niyat kar li aur wo sahibe nisaab hai to us ke zimme qurbani wajib ho jayegi.
و اللہ اعلم بالصواب

 

Zulhijjah ke 10 dino ki ibaadat ki fazeelat

⭕Aaj ka sawal no. 2529⭕

Zulhijjah ke 10 dino aur raat me ibadat ki koi khaas fazeelat hai ?

Agar hai to hadees ki roshni me batane ki guzarish.

🔵Al Jawab🔵

Hazrat Abu hurairah radeeallahu anhu se riwayat hai ke Huzur ﷺ ne irshad farmaya: koi din aisa nahin jin me ibaadat karna khuda ta’ala ko zulhijjah ke 10 dino ki (ibadat) se zyadah pasand ho, (kyun ke) in me se har din ka rozah 1 saal ke rozah rakhne ke baraabar hai, aur har ek raat ka(ibadat ke liye) jaagna shabe qadr me jaagne ke baraabar hai.

📗IBNE MAJAH

Hazrat ibne Abbas radeeallahu anhuma se riwayat hai ke rasoolallah sallallahu alaihi wasallam ne farmaya ke zulhijjah ke in das dinon me allah taala ke nazdeek jitne Amal mahboob aur pasandeedah kisi aur dinon me itne pasandeedah aur mahboob nahi.sahaba radeeallahu anhum ne puchha ke (sab se zayadah fazeelat wala Amal aur dinon ka) Allah ke raste ka jihad bhi nahi? Huzoor sallallahu alaihi wasallam ne farmaya ke han jihad bhi nahi magar Haan koi aesa shakhs ho jo Allah ke raste me apni jaan maal lekar nikla ho aur kuchh bhi lekar ghar na lote.(dono cheez qurban kar de us ka Amal badh sakta hai).

📕(TIRMIZI SHAREEF)

و الله اعلم بالصواب

 

Berune mulk (foreign) ki qurbani india me

⭕AAJ KA SAWAL NO. 2530⭕

A.
Hamare yahaan u.k. Me 10 zul hijjah ya’ani eid ka din ho aur hamen apni qurbani india me usee din karni ho, halan ke us din india me 9 zulhijjah ho to hamari qurbani india me us din ho sakti hai ya nahin ?

B.
Agar makkah me 13 zul hijjah ho ya’ani qurbani ka waqt nikal gaya ho aur india me 12 zul hijjah ho ya’ani qurbani ka waqt baaqi ho to is surat me agar koi haji apni qurbani india me karaye to saheeh hogi ya nahin ?

🔵Jawab🔵

A.
Jab tak ke india me
Qurbani ke din shuru’a na ho yahan dusre mulk walon ki qurbani saheeh nahin hai. Kyun ke qurbani saheeh hone ke liye malik aur janwar dono ka fil jumlah aetibar hai ya’ani muakkil ya’ani qurbani karvane wale par qurbani ka wujoob aana chahiye aur janwar jahan hai wahan qurbani ka waqt hona chahiye. Puchhi hui surat me uk wala jo qurbani karva raha hai us ke zimme to qurbani ka wujoob aa gaya hai lekin india me jahan janwar hai wahan qurbani ka waqt nahin aaya hai lihaza uk wale ki qurbani india me 9 zuhijjah ko ek din pehle nahin ho sakti hai qurbani saheeh hone ke liye india me bhi 10 zuhijjah hona zaruri hai.

B.
Mazkoorah surat me qurbani saheeh hai us ki pehli wajah

Makkah me 13 zul hijjah hone ki surat me sababe wujoob ya’ani jis ke zimme qurbani ho uska qurbani ke dinon me qurbani par qadir hona yeh us haji ke haq me pehle hee se paya gaya aur dusri shart wujoobe adaa ya’ani qurbani ke waqt ka maujud hona. Janwar india me maujud hai yeh shart bhi yahan pai gayi lihaza bila shak woh haji apni qurbani ka vakeel kisi ko india me bana de to 12 zul hijjah ko bhi us ki qurbani saheeh hai.

Dusri wajah agar woh qurbani ka vakeel banane wala khud 13 zulhijjah ko makkah se safar kar ke india aata aur yahan12 zuhijjah ko qurbani karta to durust tha to wahan rehkar vakeel banaye to ba tareeqe awla durust hoga.

📚Kitabun nawazil 14/553 se 558 ka khulasah

و الله اعلم بالصواب

7 BAKRI BEHTAR KE EK PAADA?UNT BEHTAR KE UTNI QEEMAT KA BAKRA?SATWAN HISSA BEHTAR YA BAKRA

⭕AAJ KA SAWAL No. 2531 PART 1.⭕

Bade chhote janwar me isee tarah bade me saatwan hissa behtar ya utni qeemat ka bakra behtar hai? Kin jaanvaron ki qurbani karne se shwab zyadah milta hai tafseel se bataye?

🔵JAWAB🔵

حامدا و مصلیا مسلما

Misalon ke sath aap ke sawalon ka hjawab diya jata hai.

(1.) Saat aadmiyon ne mil kar ₹7000 me 1 gaay/bhensa kharida aur doosre saat aadmiyon ne mil kar ₹10,000 me 7 bakren kharide.. to, alag alag bakren kharidne walon ki qurbani behtar hai.

(2.) ₹15000 me ek Bakra milta hai, aur isi tarah ₹15000 me oont milta hai, to oont kharid kar us ki qurbani karne me shawab zyadah hai aur baaz ulama ke nazdeek Bakre ki qurbani me sawab zyadah hai; isliye us ka gosht umdaah hota hai.

(3.) Oont ki qimat ₹15000, aur Bakre ya bakri ki qimat ₹16000/- hai, to us waqt Bakra ya bakri ki qurbani me sawab zyadah hai.

(4.) Khassi Kiya huva jaanvar gair khassi se behtar hai.

(5.) Bakre ki qimat ₹15000 hai, gaay, bhens aur oont ka saatwaa hissa bhi ₹15000 ke hisaab se hai, dono ke gosht ka andaazah bhi Barabar hai to us waqt bakre ki qurbani me sawab zyadah hai, aur agar bade Jaanwar ke saatwe hisse me gosht zyadah hai, to saatwe hisse ki qurbani karne me shawab zyadah hai.

📗QURBANI KE FAZAIL WA MASAIL SAFA109,110

📕ALAMGIRI 5/370

Khulasa jis me gosht zayada bhi aur achachha bhi ho woh qurbani us se behtar hai jis me gosht kam,ya zayada lekin achchha nahi.aur gosht aur qeemat barabar ho to chhota janwar achchha.gosht achchha ho aur qeemat bade janwar ke muqabale me thodi zayada ho to chhota janwar thodi qeemat ke izafe ke sath behtar.

و الله اعلم بالصواب

 

AQEEQE KA GOSHT MAA-BAAP KO KHANA AUR BA’AZ GALAT FAHMIYAN

⭕AAJ KA SAWAL No. 2542⭕
1.Aqeeqe ke gosht ke baare me ba’az ilaqe me Mashhoor hai ke uska gosht maa-baap nahi kha sakte kya yah baat Sahih hai?

2.B’aaz log aqeeqe ke janwar ki haddiyon ko todna manaa karte hain kya yah sahih hai?

3. Aqeeqe ka hissah bade janwar me qurbani ke dinon ke alawah bhi rakh sakte hain?

🔵JAWAB🔵

حامدا و مصلیا مسلما

1.Yah baat galat hai shareeat me iski koi asal nahi. Aqeeqe ka gosht bachche ke maa-baap, dada-dadi, nana-nani sab log kha sakte hain.

2. Is mumaaniat ka bhi koi suboot nahi.

📙MASAILE EIDAIN WA QURBANI SAFA 231
📕BA HAWALA KIFAYATUL MUFTI 8/243

3.Qurbani ke dinon ke alawah kayi bachche ke aqeeqe ek janwar me rakhne ke baare me ilhtilaf hai lekin raajih-sahih qaul yahi hai ke jis tarah qurbani ke dinon me hissah rakh sakte hain usi tarah qurbani ke dinon ke alawah bhi rakh sakte hain. (Basharte ke kisi ki niyyat sirf gosht khane ya gosht bechne ki na ho balke ibadat sadqah waleeme wagairah ki ho)

📗KITABUL MASAIL 2/340 BA HAWALA
📘KIFAYATUL MUFTI WAGAIRAH

و الله اعلم بالصواب