Language
Click below for languages:
Baaraat Ki Haqeeqat Wa Kharabiyan
⭕AAJ KA SAWAL NO.2872⭕
Dulhan ko lene log Baraat kyun le jate hain ?
is me bahut preshani hoti hai aur kharch zyada hota hai,
ummat ke samne is ke nuqsanat ko wazeh farmaiye taake is ka riwaj khatm ho.
🔵JAWAB🔵
حامدا و مصلیا و مسلما
Pehle zamane me aam taur par ek do sawar hote the to daku loot lete the, isliye dulhan us ke zewar aur saman ki hifazat ke liye kayi aadmi use lene ke iye jate the, is tarah baaraat ka riwaj pada hoga,
ab aksar raste ma’moon ho gaye hain, loot phaat ab aam taur par nahi hoti, isliye ab is ki zaroorat nahi rahi.
Is me chand kharabiyan hain :
1. bahut si jagah kuchh rishtedar naraz hote hain ke hame baaraat ki dawat kyun nahi di ? dulhe ke gharwalon ko ek kashmakash rehti hai ke kise le jayen aur kise chhoden, baaz martabah narazgi me rishte bhi toot jate hain.
2.Namazen qaza hoti hain.
3.Aam taur par baaraat rawana hone me sab ke intizar me takheer aur pareshani hoti hai, nikah ke liye waqt par pahonchne ki jaldi me be_dhadak tez raftar gadi chalayi jati hai, jis me kabhi accident bhi hote hain.
4.Aksar Baraton me jitne ko dawat dee gayi ho us se zayada jate hain, Bagair dawat ke jane wale ko Huzoor SALALAHU ALAYHI WASALLAM ne farmaya hai ke chor bankar dakhil huwa aur lutera bankar nikla ya use chori aur loot jaisa gunah hota hai.
5.zyadah admi ke pohonch jane ki soorat me mezban ki badi be izzati hoti he aur intizam me badi takleef pohonchti hai aisa karna haraam hai.
6. dulhewale be haya bankar samne se ladki wale ko kehte hain ham 100 admi aayenge aur ladkiwale sharma sharmi me han keh dete hain lekin aisa karne me unko inke istiqbal aur qiyamo ta`am ke intizam me badi pareshani hoti hai baazon ko soodi qarza lene tak ki naubat aa jati hai.
7.baaraat le jane me kharch bahut zayada hota hai isliye ladke door jaghon me achchhi ladkiyan mavjood hone ke bawajood nikah ke waste qareeb ki ladki doondhne me nikah me takheer hoti hai baaz martabah nikah ki takheer ki wajah se ladka zina me mubtala ho jata hai aur bhi bahut si kharabi hai jo gaur karne se maloom hoti hai ek gunah ka bhi irtikab hota ho to us ke na jaiz hone ke liye kafi hai.
8.Dulhan walon ko baaraatiyon ke khane, pine aur rahne ka alag se behtreen intizam karna zaroori samjha jata hai us me kuchh kami kotahi hui to rishton me daraar pad jati hai ya nikah ke baad dulhe wale dulhan aur us ke gharwalon ko bhala bura kehte rehte hain,
Aisi kayi kharaabiyan hain jo gaur karne se maloom hogi baraat me ek kharaabi aur ek gunah hota to bhi us ke na jaiz hone ke liye kafi tha che jaye ke us me sekdon gunaah paye jate hain Allah ummat ko is rasm se najat ataa farmaye.
📚ISLAHUR RUSOOM, ISLAMI SHADI AUR BAHISHTI ZEWAR SE MAKHOOZ
و الله اعلم بالصواب
🌙🗓ISLAMI TAREEKH :
6 ZEEQADAH 1443 HIJRI
✍🏻Mufti Imran Ismail Memon Hanafi Chishti.
🕌 Ustaze Darul Uloom Rampura, Surat, Gujarat, India.