Jahez Ke Nuqsanat
⭕ AAJ KA SAWAL No.3410 ⭕
Hamare baaz ilaqe me Jahez ka Len-Den bahut hai,
usey kaise roka jaye ?
🔵 JAWAB 🔵
حامدا و مصلیا مسلما
Kisi bhi cheez se bachne ke liye uske nuqsanat ka pataa hona zaroori hai, taake us ki burai dil me utre aur us se bachna aassan ho jaye,
lihaza Jahez ke nuqsanat ko pesh kiye jate hai.
- Jahez maangna zillat hai.
- Jahez maangna be-sharmi aur be-gairati hai. ladki Maa-Baap ke liye Puri zindagi apne jigar ka tukda hoti hai, ladki jis ko paalne me lakhon rupiya kharch kiya, Allah ke hukm se free de rahe hai, aur aap paise dena to door ki baat balke saamne se maang rahe ho !
- Jahez na de sakne ki wajha se karodon ladkiyan bagair nikah ke zindagi barbad kar rahi hai.
- Nikah na hone ki wajha se jo ladkiyan zina me mubtala ho rahi hai, us ka gunah jahez maangne walon ko bhi hoga.
- Bahut so ko pata chalta hai ke Hamal me ladki hai to baa’z jaga qanoon ke khilaf usey paida hone se pehle hi maar diya jata hai.
- baa’z jagah ladkiyon ke baap ka Jahez na de sakne ki wajha se rishta nahi hota hai to ladkiyan dipration ka shikar ho jati hai.
- Jahez dene ke paise nahin hote Hain to vah soodi laun leta hai aur salon sal uske hafte bhar bhar ke tabah wa barbad ho jata hai.
- Jahez Dene ki paise na hone ki vajah se ladki ka bap Shahar Shahar gaon gaon jakar bhik mangta hai hamara rishtedar jisne zindagi mein kisi ke samne hath nahin failaya hote hain lekin in international bhikaari ki wajha se use bhi mangna padta hai !
- Agar jahez laane mein kuch Kami ho gai tu Puri zindagi ladki ko ladka aur us ke gharwale ta’na dete rahte hain aur aur Miyan biwi ki izdiwazi zindagi ka sukun khatm Ho jata hai.
- Jahez Mangna ya haisiyat se zayada dena gairon ka Tariqa hai kyon woh log apni beti aur bahan ko Virasat mein hissa nahin dete Hain aur kahate Hain ki humne teri shaadi mein sab kuchh de diya ab Tera koi haq nahin hai yahi Meras ka haq dabana ki aadat is se paida hoti hai.
- yah Gair qaum ka Tariqa hai hadees Sharif mein aata hai jisne jis qaum ki Mushabahut ikhtiyar ki Qayamat ke din uska hashr usi ke sath hoga.
- Jahez ke intizam na hone ki wajha se aaj tak lakhon ladkiyon ne khudkushi- aatm hatiya kar chuki hain
- isai missionary aur hindu jamaton ne bagair jahez ke shadi karane ke bahane hazaron ladkiyon ko isaai aur hindu bana diya.
Jahez ki lanat ko khatm karne ke tareeqe Insha Allah kal pesh kiye jayenge
و الله اعلم بالصواب
🌙🗓 ISLAMI TAREEKH :
14 JUMADIYUL OOLA 1445 HIJRI
✍🏻 Mufti Imran Ismail Memon Hanfi
🕌 Ustaze Darul Uloom,
Rampur Surat, Gujarat, India.